مشال ملک  ءَ گوشتگ کہ  ہندوستان ءِ کشمیریانی ذاتی آجوئی ءِ سرا جی پی ایس ٹریکر ءِ وسیلہ ءَ کنٹرول کنگ انسانی شرپ ءُ بنیاتی حقانی مزنیں لگتمالی یے

اسلام آباد۔15نومبر  (اے پی پی): حریت ءِ سروک یاسین ملک ءِ جنین مشال ملک ءَ گشتگ کہ جی پی ایس ٹریکر ءِ وسیلگ ءَ کشمیری آنی ذاتی آجوئی ءِ سر ءَ بھارت ءِ کنٹرول انسانی شرپ ءُ بنیاتی حق آنی مزنیں لگتمالی اِنت۔ شمبے ءِ روچ ءَ وتی بیان ءِ تہ ءَ آئی ءَ گوشت کہ میاں اوستمانی براتی کشمیری الس ءِ توار ءَ گوش بہ دار ایت ءُ ایشانی جہد ءُ کوشست ءَ را یلہ مہ کنت۔ آئی ءَ گوشت کہ جموں کشمیر ءَ کشمیری آنی سر ءَ مدام اشک ءِ گیس، زلم ءُ بندیگ کنگ بوھگ ءَ انت ءُ نوں آوانی ذاتی آجوئی ءَ را جی پی ایس ٹریکر ءِ وسیلگ ءَ کنٹرول کنگ بوھگ ءَ انت۔ اے بے تواری ءِ زوراکی اِنت کہ انسانی شرپ ءُ بنیاتی حقانی مزنیں لگتمالی یے ۔ مشال ملک ءَ گوشت کہ میاں اوستمانی براتی اے زلم ءُ زوراکی ءَ را بند بہ کنت پرچا کہ آجوئی ءِ لوٹ ءُ گزر کشمیری راج ءِ بنکی ھک انت ۔