اسلام آباد۔15نومبر (اے پی پی):ماریشس ءِ باسک محمد ایشان جمن ءَ بین پارلیمانی اسپیکر کانفرنس ءَ بہر زورگ ءَ پد وتی ملک ءَ شتگ۔ ادا جاڑی بوتگیں بیان ءِ رد ءَ کانفرنس ءَ بہر زورگ ءِ واستہ آئی ءِ گہار سفیناز خزرو ھم آئی ءِ ھمبراھی ءَ پاکستان ءَ شتگ ۔ سینیٹ ءِ مزنیں حکام ءَ اسلام آباد ءِ بالی پٹ ءَ ماریشس ءِ پارلیمانی ڈل ءَ را گرمیں …
ماریشس ءِ باسک محمد ایشان جمن ءَ بین پارلیمانی اسپیکر کانفرنس ءَ بہر زورگ ءَ پد وتی ملک ءَ روگ ءَ انت
گیشتریں ھال
اسلام آباد۔15نومبر (اے پی پی):ماریشس ءِ باسک محمد ایشان جمن ءَ بین پارلیمانی اسپیکر کانفرنس ءَ بہر زورگ ءَ پد وتی ملک ءَ شتگ۔ ادا جاڑی بوتگیں بیان ءِ رد ءَ کانفرنس ءَ بہر زورگ ءِ واستہ آئی ءِ گہار سفیناز خزرو ھم آئی ءِ ھمبراھی ءَ پاکستان ءَ شتگ ۔ سینیٹ ءِ مزنیں حکام ءَ اسلام آباد ءِ بالی پٹ ءَ ماریشس ءِ پارلیمانی ڈل ءَ را گرمیں وداع کت۔ ڈل ءَ سینیٹ ءِ چیئرمین سید یوسف رضا گیلانی ءِ سروکی ءَ برجم داشتگیں بین پارلیمانی اسپیکر کانفرنس ءَ را سک باز المی، مول ءُ مراد ءُ آیوکیں وھد ءِ ھاترا لیک اتگ۔ ڈل ءَ چیئرمین سینیٹ ءَ را کانفرنس ءِ سوبمندیں ءُ زبردستیں برجم دارگ ءِ سر ءَ مبارکی دات ءُ سینیٹ ءِ جوانیں میزبانی ءُ کارآمدیں بندوبست ءِ سر ءَ ھم منت گپت۔ ماریشس ءِ ڈل ءَ اے دیوان ءَ را یک ھاسیں سفارتی سوبمندی ءِ رنگ ءَ گشتگ ءُ گوشت کہ ایشی ءِ دور رسیں ءُ جوانیں اثر دمگی ءُ جھان ءِ پارلیمانی کمک ءِ سر ءَ سما کنگ بنت۔ ایشاں سینیٹ ءِ چیئرمین سید یوسف رضا گیلانی ءِ زانتکاریں سروکی ءُ وژن ءِ ھم ستا دات۔ ڈل ءَ پاکستان ءِ سینیٹ ءُ پاکستان ءِ الس ءِ واستہ نیکیں واھگ آنی درشان کت ءُ آیوکیں وھد ءَ ھم دو نیمگی پارلیمانی سیادی آنی دیمروئی ءِ واستہ امیت ءِ درشان کت۔
