صدر آصف علی زرداری ءَ پاکستان پیپلز پارٹی ءِ مزنیں راہشون لعل بخش بھٹو ءِ بیرانی ءِ سرا غم ءِ درشانی

اسلام آباد۔15نومبر  (اے پی پی):صدر ءِ مملکت آصف علی زرداری ءَ پاکستان پیپلز پارٹی ءِ مزنیں سروک لال بخش بھٹو ءِ بیرانی ءِ سر ءَ دلپدردی ءِ درشانی کتگ۔ شمبے ءِ روچ ءَ صدر ءِ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ گوشت کہ لال بخش بھٹو ءِ جمہوری جہد ءُ راج ءِ ھزمت ءَ را مُدام مزنیں احترام ءَ گوں چارگ بیت۔ آئی ءَ گوشت کہ پیپلز پارٹی ءِ پلیٹ فارم ءِ وسیلگ ءَ جمہوری ادارگ آناں مھکم کنگ ءَ نمیرانیں لال بخش بھٹو ءَ مزنیں کردے پیلو کتگ۔ صدر آصف علی زرداری ءَ بیران بوتگیں سروک ءِ کھول ءِ گوما دلپدردی ءِ درشانی کتگ ءُ گشتگ کہ لال بخش بھٹو ءِ بیرانی ایوک ءَ پارٹی ءِ واستہ نہ بلکینگ ءَ سرجمیں راج ءِ واستہ تاوان انت۔ صدر ءِ مملکت ءَ دعا کت کہ اللہ تعالیٰ بیران بوتگیں مردم ءَ را وتی رحمت ءِ تہ ءَ جاگہ ​​بہ دنت ءُ پشومانی کھول ءَ صبر ءُ اوپار بہ دنت۔