مزن وزیر محمد شہباز شریف ءَ سری لنکا ءِ ھلاپ ءَ یک روچی سیریز ءَ سوبمندی ءِ پد ءَ راجی ٹیم ءَ را مبارک بات

اسلام آباد۔15نومبر  (اے پی پی):مزن وزیر محمد شہباز شریف ءَ سری لنکا ءِ ھلاپ ءَ ون روچی سیریز ءَ کامیابی ءِ پد ءَ راجی ٹیم ءَ را مبارک بات داتگ۔ مزن وزیر ءَ شمبے ءِ روچ ءَ سوشل نیٹ ورک ویب سائٹ ایکس ءِ سر ءَ وتی کلوہ ءِ تہ ءَ گوشت کہ پاکستان ءِ راجی کرکٹ ٹیم ءَ سری لنکا ءِ ھلاپ ءَ یک روچی سیریز ءِ سوبمندی ءَ چہ ملک ءَ را شان ءُ شُہرت آورتگ۔ من راجی ٹیم ءَ را اے وشیں سوبمندی ءِ سر ءَ دل ءِ جہلانکی ءَ چہ مبارک بات آں ۔ محمد شہباز شریف ءَ پی سی بی ءِ چیئرمین محسن نقوی ءُ آئی ءِ سرجمیں ٹیم ءِ محنت ءُ جوانیں کارکردگی ءَ را ھم ساڑات ءُ وتی کلوہ ءِ تہ ءَ گوشت کہ کرکٹ ءَ یک رندے پدا یکوئی ءُ یکوئی ءِ جوانیں درور پیش کتگ۔ مزن وزیر ءَ سری لنکا ءِ کھڈکار ءُ انتظامیہ ءِ ھم ھاسیں منت واری ءِ درشانی کت، ایشانی بھر زوری دوئیں ملک آنی نیام ءَ دیریں، مھکمیں ءُ دوستی ءِ سیادی ءِ عکس اِنت۔