اسلام آباد۔15نومبر (اے پی پی):پاکستان ءُ اردن ءِ نیام ءَ وانگ ءُ زانگ، دود ءُ ربیدگ ءُ رسانکدر ءِ شوبگ ءَ چار معاہدہ ءُ تپاک نامہ بیپاری کنگ بوتگ ۔ اے تبادلہ شمبے ءِ روچ ءَ مزن وزیر محمد شہباز شریف ءُ اردن ءِ شاہ عبداللہ دوم ءِ ھواری ءَ برجم داشتگیں مراگش ءِ تہ ءَ بوت۔ اے موہ ئِ سر ئَ دوئیں ملک ئِ مزنیں اگدہ دار ھم …
پاکستان ءُ اردن ءِ نیام ءَ وانگ ءُ زانگ ، دود ءُ ربیدگ ءُ رسانکدر ءِ پڑ ءَ چار معاہدہ ءُ تپاک نامہ ءِ بدلی کنگ بیت
گیشتریں ھال
اسلام آباد۔15نومبر (اے پی پی):پاکستان ءُ اردن ءِ نیام ءَ وانگ ءُ زانگ، دود ءُ ربیدگ ءُ رسانکدر ءِ شوبگ ءَ چار معاہدہ ءُ تپاک نامہ بیپاری کنگ بوتگ ۔ اے تبادلہ شمبے ءِ روچ ءَ مزن وزیر محمد شہباز شریف ءُ اردن ءِ شاہ عبداللہ دوم ءِ ھواری ءَ برجم داشتگیں مراگش ءِ تہ ءَ بوت۔ اے موہ ئِ سر ئَ دوئیں ملک ئِ مزنیں اگدہ دار ھم ساڑی بوتگ اَنت۔ پاکستان ءُ اردن ءِ نیام ءَ دود ءُ ربیدگی کمک ءِ واستہ نائب مزن وزیر ءُ درئی کارانی وزیر سینیٹر محمد اسحاق ڈار ءُ اردن ءِ نائب مزن وزیر ءُ درئی کارانی وزیر ایمن صفادی ءِ نیام ءَ تپاک نامہ ءِ بدل کنگ بوت۔ پاکستان ٹیلی ویژن کارپوریشن لمیٹڈ ءُ اردن ریڈیو اینڈ ٹیلی ویژن ءِ نیام ءَ کمک ءِ معاہدہ ءُ پاکستان براڈکاسٹنگ کارپوریشن ءُ اردن ریڈیو ءُ ٹیلی ویژن کارپوریشن ءِ نیام ءَ کمک ءِ معاہدہ وفاقی وزیر اھوالکاری عطا اللہ ترار ءُ اردن ءِ نائب مزن وزیر ءُ درئی کارانی وزیر ایمن صفادی ءِ نیام ءَ مٹ ءُ بدلی کنگ بوت۔ اردن یونیورسٹی ءَ اردو ءُ پاکستان اسٹڈیز ءِ چیئرز ءِ جوڑ کنگ ءِ ھوالگ ءَ موسمیاتی بدلی ءِ وفاقی وزیر مصدق ملک ءُ اردن ءِ نائب مزن وزیر ءُ درئی کارانی وزیر ایمن صفادی ءِ نیام ءَ تپاک نامہ ءِ بدلی کنگ بوت۔
