مزن وزیر شہباز شریف ءُ اردن ءِ شاہ عبداللہ دوم ءَ گند ءُ نند کتگ، دمگی ءُ میاں اوستمانی دیوان آنی تہ ءَ اسٹریٹجک ءُ اقتصادی سیادی آناں دیمروئی دیگ ءُ دوئیں نیمگ ءَ چہ نپ چست کنگ ءِ واستہ عزم ءِ  درشان

اسلام آباد۔15نومبر  (اے پی پی):مزن وزیر محمد شہباز شریف ءُ اردن ءِ شاہ عبداللہ دوم ءَ پاکستان ءُ اردن ءِ نیام ءَ اسٹریٹجک ءُ اقتصادی سیادی ءَ را دیمروئی دیگ ءِ وتی عزم ءِ دوبر پدر کت، دمگی ءُ میاں اوستمانی فورم آنی تہ ءَ وت مہ وتی کمک ءَ را گیش کنگ ءُ سرمایہ کاری ٹیکنالوجی، جان سلامتی، سائنس، تجارت ءِ تہ ءَ کمک ءَ را گیش کنگ ءِ موہ آناں پٹ ءُ پول کنگ ءِ ضلورت ءِ سر ءَ زور پر دات۔ شعبہ آں شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءُ اردن ءِ شاہ عبداللہ دوم ابن الحسین ءِ مزن وزیر گس ءَ گند ءُ نند بوتگ۔ گند ءُ نند ءِ تہ ءَ نائب مزن وزیر ءُ درئی کارانی وزیر سینیٹر محمد اسحاق دار، فیلڈ مارشل سید عاصم منیر، وفاقی وزیر ءِ ھال ءُ اھوال عطا اللہ ترار، موسمیاتی مٹ ءُ بدلی ءِ وفاقی وزیر مصدق ملک ءُ مزنیں سرکاری کارندہ ھم ھوار اتنت۔ گند ءُ نند ءَ دمگی ایمنی ءُ امن ءِ گامگیج آنی سر ءَ ھم سرجمی ءَ گپ ءُ تران کنگ بوت۔ گند ءُ نند ءِ ساھت ءَ دوئیں رہشون آں دو نیمگی سیادی ءَ را گیش گہتر کنگ ءُ معیشت، تجارت، سرمایہ کاری، جان سلامتی، سائنس ءُ ٹیکنالوجی، وانگ ءُ زانگ ءِ ھوار دفاع ءِ شوبگ آنی تہ ءَ کمک ءِ موہ آناں پٹ ءُ پول کنگ ءِ ضلورت ءِ سر ءَ زور پر دات۔ دوئیں رہشوناں پاکستان ءُ اردن ءِ نیام ءَ اسٹریٹجک ءُ اقتصادی سیادی ءَ را گیش کنگ ءِ واستہ وتی عزم ءِ دوبر پدر کت، ءُ دمگی ءُ میاں اوستمانی فورم آنی تہ ءَ وت مہ وتی کمک ءَ را گیش کنگ ءِ واستہ۔ مزن وزیر ءَ شاہ عبداللہ دوم بن الحسین ءِ پاکستان ءِ تر ءُ تاب ءَ را وش اتک کت ءُ ایشی ءَ را پاکستان ءُ اردن ءِ نیام ءَ برجاھیں دوستی ءِ گواہی ءِ رنگ ءَ پدر کت۔ شاہ عبداللہ دوم ءَ غزہ ءِ جیڈھ ءِ تہ ءَ اردن ءِ کرد ءِ واستہ پاکستان ءِ برجاھیں کمک ءِ ساڑات ءُ ھمے رنگ ءَ جنگ بندی ءَ پد غزہ ءِ تہ ءَ استحکام ءُ انسانی کمک ءِ کوشست آنی تہ ءَ ھم کمک ءِ توسیپ کت۔ فلسطین ءِ جیڈھ ءِ سر ءَ دوئیں سروکاں جنگ بندی ءَ پد غزہ ءِ ھوالگ ءَ پاکستان ءُ اردن ءِ اصولی موقف من اِتگ اَنت ایشی ءِ تہ ءَ فلسطینی آناں غزہ ءَ چہ بے لوگ کنگ ءِ ھوالگ ءَ ھچ وڑیں سمجھوتہ ءَ چہ رکگ ھوار اِنت۔ دوئیں رہشوناں شرم الشیخ ءَ دستخط بوتگیں غزہ امن معاہدے ءِ رد ءَ ہشت عرب اسلامی ملک آنی نیام ءَ سیادی ءَ را گیش گیش کنگ ءِ سر ءَ تپاک کتگ کہ آ غزہ ءَ جنگ بندی ءِ سر ءَ امریکہ ءِ گوما کار کنگ ءَ اَنت۔ مزن وزیر ءَ اردن ءِ شاہ عبداللہ دوم ءَ را پاکستان ءِ ھمساھگی ھاسیں رنگ ءَ اوگانستان ءُ بھارت ءِ تہ ءَ نوکیں دیمروئی آنی بابت ءَ ھم سرپد کت۔ اردن ءِ شاہ عبداللہ دوم ءَ خطہ ءَ امن ءُ ایمنی ءِ برجائی ءِ واستہ پاکستان ءِ کلیدی کرد ءِ منگ بوتگ۔ شاہ عبداللہ دوم ءَ وتی پاکستان ءِ تر ءُ تاب ءِ وھد ءَ جوانیں مہمان داری ءِ پد ءَ پاکستان ءِ الس ءُ حکومت ءِ شگر ءُ منت گپت۔ دوئیں ملک آنی نیام ءَ جتا جتائیں شوبگ آنی تہ ءَ یکوئی ءَ را گیش کنگ ءِ واستہ تپاک  منگہ آنی بدلی ءِ مراگش ھم برجم دارگ بوت۔ دوئیں رہشوناں مراگش ءَ بہر زرتگ۔ رسانکدر، دود ءُ ربیدگ ءُ وانگ ءُ زانگ ءِ شوبگ ءَ تپاک  نامہ ءِ بدلی کنگ بوت۔ مزن وزیر ءَ شاہ عبداللہ ءُ آئی ءِ ھمراھیں ڈل ءِ شرپ ءَ شپ ءِ ورگ ءِ ھم میزبانی کت۔