اردن ءِ شاہ عبداللہ دوم دو روچی تر ءُ تاب ءَ اسلام آباد ءَ سر بوتگ ءُ آئی ءَ را بالی پٹ ءَ صدر ءُ مزن وزیر ءَ وش آتک کتگ

اسلام آباد۔15نومبر  (اے پی پی):مزن وزیر محمد شہباز شریف ءِ دعوت ءِ پد ءَ اردن ءِ شاہ عبداللہ دوم وتی دو روچی تر ءُ تاب ءَ اسلام آباد ءَ سر بوتگ۔ صدر آصف علی زرداری، مزن وزیر محمد شہباز شریف، موسمیاتی بدلی ءِ وفاقی وزیر مصدق ملک ءُ وانگ ءُ زانگ ءِ وزیر مملکت واجہہ قمر ءَ بالی پٹ ءَ شاہ عبداللہ دوم ءُ آئی ءِ مزن تک ءِ ڈل ءَ را وش اتک کت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اردن ءِ شاہ عبداللہ دومی شمبے ءِ روچ ءَ پاکستان ءِ تر ءُ تاب ءِ واستہ اسلام آباد ءَ سر بوتگ۔ شاہ عبداللہ دوم ءِ پاکستان ءِ تر ءُ تاب پاکستان، اردن ءُ اردن ءِ نیام ءَ دیریں براتی سیادی ءِ درشان اِنت۔ اے تر ءُ تاب ءَ چہ دوئیں ملک آنی نیام ءَ سیاسی، اقتصادی ءُ دود ءُ ربیدگی سیادی گیش مھکم بنت۔ شاہ عبداللہ دوم زوت مزن وزیر گس ءَ روت کہ اودا آئی ءَ را گارڈ آف آنر پیش کنگ بیت۔ شاہ عبداللہ دوم ءِ گوما مزن وزیر شہباز شریف ءِ گوما مزن وزیر گس ءَ دو نیمگی گند ءُ نند بیت ءُ ڈل ءِ تک ءَ ھم گند ءُ نند بیت۔ شاہ عبداللہ دوم ءِ اے تر ءُ تاب ءَ چہ پاکستان ءُ اردن ءِ نیام ءَ دیریں سیادی ءَ را گیش مھکم کنگ بیت ءُ دوئیں براتیں ملک آنی نیام ءَ دو نیمگی کمک ءِ دائرہ کار ءَ را گیش کنگ ءَ کمک رسیت۔