ٹیرف اصلاحات ءِ سبب ءَ جوانیں رجحان ایف بی آر ءِ نوک کنگ، ساپ ءُ سلہءُ گہتر کنگ ءِ ھاتر ءَ حکومت ءِ گامگیج آنی راستی ءِ ٹھوس ثبوت انت، مزن وزیر شہباز شریف

اسلام آباد۔15نومبر  (اے پی پی):مزن وزیر محمد شہباز شریف ءَ گوشت کہ ٹیرف اصلاحات ءِ سبب ءَ جوانیں رجحان ایف بی آر ءَ را نوک کنگ، ساپ ءُ سلہءُ گہتر کنگ ءِ واستہ حکومت ءِ گامگیج آنی راستی ءِ مھکمیں ثبوت انت۔ نوکیں اقتصادی اعداد و شمار حکومت ءِ اقتصادی اصلاحات ءِ راستی ءَ ثابت کنگ ءَ انت کہ ایشی ءِ آسر ءَ اقتصادی دیمروئی ءِ رفتار ہر روچ شر بوہگ ءَ انت کہ ایشی ءِ ثبوت کاروباری برادریءُ راج ءِ دیم ءَ ہم آہگ ءَ انت۔ مزن وزیر ءَ را بریفنگ دیگ بوت کہ اے سال ءَ عمل کنگ بوھوکیں ٹیرف اصلاحات ءِ آمدنی ءِ یکجا کنگ ءِ سر ءَ ہچ وڑیں ردیں اثر نہ بوتگ بلکیں درآمد ءِ تک ءَ ڈیوٹیءُ ٹیکس ءِ وصولی ءِ تہ ءَ 25درسد گیشی بوتگ۔ اے گیشی ڈیوٹی ءِ سرا ھواریں چیزانی کساس ءَ ایوک ءَ 3.6 درسد گیشی ءِ باوجود بوتگ۔ اے گپ ءَ اے ترس ھم رد ثابت کت کہ ٹیرف ءِ کم کنگ ءَ چہ آمدنی ءِ جم کنگ ءَ کمی کیت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے ھیالءُ لیکہ مزن وزیر محمد شہباز شریف ءَ ملک ءِ ٹیکس سسٹم ءِ تہ ءَ اصلاحات ءِ ھوالگ ءَ ھپتگی چار ءُ تپاسی دیوان ءِ ساھت ءَ درشان کتگ اَنت۔ مزن وزیر ءَ گوشت کہ ٹیرف اصلاحات ءِ سبب ءَ جوانیں رجحان ایف بی آر ءَ را نوک کنگ، ساپ ءُ سلہءُ گہتر کنگ ءِ واستہ حکومت ءِ گامگیج آنی راستی ءِ مھکمیں ثبوت انت۔ مزن وزیر ءَ گوشت کہ نوکیں اقتصادی اعداد و شمار حکومت ءِ اقتصادی اصلاحات ءَ را راست ثابت کنگ ءَ انت، ایشی ءِ آسر ءَ اقتصادی دیمروئی ءِ رفتار ھمک روچ گہتر بوھگ ءَ انت، ایشی ءِ ثبوت کاروباری براتیءُ راج ءِ دیم ءَ ھم آھگ ءَ انت۔ اے موہ ءِ سر ءَ مزن وزیر شہباز شریف ءَ را بریفنگ ءِ ساھت ءَ سرپد کنگ بوت کہ اے سال ءَ چہ عمل کنگ بوھوکیں ٹیرف اصلاحات ءَ چہ آمدنی ءِ یکجا کنگ ءِ سر ءَ ھچ وڑیں ردیں اثر نہ بوتگ بلکیں درآمد ءِ تک ءَ ڈیوٹیءُ ٹیکس آنییکجا کنگ ءِ تہ ءَ 25درسد گیشی بوتگ۔ بریفنگ ءِ ساھت ءَ دیوان ءَ را سرپد کنگ بوت کہ اے گیشی ڈیوٹی ءِ ھساب ءَ ایوک ءَ 3.6درسد گیشی ءِ باوجود بوتگ۔ اے گپ ءَ اے ترس ھم رد ثابت کت کہ ٹیرف ءِ کم کنگ ءَ چہ آمدنی ءِ جم کنگ ءَ کمی کیت۔ بریفنگ ءَ گوشت کہ ڈیوٹی فری درآمدات ءِ تہ ءَ 41.5درسد گیشی بوتگ، ایشی ءِ بزانت ایش انت کہ خام مال ءُ انٹرمیڈیٹ سامان ءِ زمرے ءَ ھواریں چیز آنی تہ ءَ درآمدات آنی تہ ءَ مزنیں گیشی بوتگ۔ اے گپ ءَ را لس تک ءَ پیداوار ءِ اثرات ءِ تہا مزنیں گہتری ءِ نشانی لیکگ بوت کنت۔ بریفنگ ءِ ساھت ءَ گوشگ بوت کہ ٹیرف ءِ کمیءُ ٹیکس ءِ نظام ءِ گہتری ءَ ھوار جاری اقتصادی اصلاحات ءِ مول ءُ مراد مینوفیکچرنگءُ ایکسپورٹ ءَ را گیش کنگ انت تانکہ ملک ءَ سرمایہ کاری ءِ واستہ چاگرد گیش سازگار جوڑ کنگ بہ بیت۔ ڈیوٹی فری درآمدات ءِ زمرے ءَ ھواریں سامان آنی درآمد آنی تہ ءَ گیشی ٹیرف آنی عقلی کنگ ءِ واستہ حکومت ءِ گامگیج آنی تاثیر ءِ نشانی اِنت کہ ایشی ءِ مول ءُ مراد خام مال ءُ دومی سامان آنی درآمد ءَ را گیش کنگ اِنت۔ ٹیرف اصلاحات ءِ مول ءُ مراد مینوفیکچرنگ ءِ شوبگ ءَ کارمرد بوھوکیں خام مال ءِ ھرچ ءُ درچ ءَ را کم کنگ بوتگ تانکہ ملکی برآمدات ءِ کساس ءَ را گیش کنگ بہ بیت ءُ جھان ءِ مارکیٹ ءَ مقابلہ ءِ توان ءِ ھاترا جھد کنگ بہ بیت۔ بریفنگ ءِ ساھت ءَ گوشگ بوت کہ نوکیں اعداد و شمار اے گپ ءَ ثابت کن اَنت کہ حکومت ءِ اے پالیشی سوبمند بوتگ۔ کسٹم اصلاحات ءَ چہ رستگیں آسر آنی تہ ءَ ایف بی آر ءَ را یک نوکیں،ساپ ءُ سلہءُ جوانیں ادارگ جوڑ کنگ ءِ سوبمندیں حکومتی حکمت عملی ءِ اثر ھم ھوار اَنت۔ مزن وزیر ءَ ٹیکس چوری ءِ گر ءُ دار ءِ واستہ انتظامی ءُ ادارگی گامگیج چست کنگ ءِ ہدایت کت ءُ تمباکو، ٹائل ءُ ایندگر مزنیں شوبگ آنی تہ ءَ ٹیکس وصولی ءِ نظام ءِ تہ ءَ کوتاھی آناں مرحلہ وار ءُ جوانیں رنگ ءَ ھلاس کنگ ءِ ہدایت کت۔ مزن وزیر شہباز شریف ءَ ایف بی آر ءَ ھوار سرجمیں فنانس ٹیم ءَ را مبارک بات دات ءُ اے گپ ءِ سر ءَ زور پر دات کہ اصلاحات ءِ عمل ءِ جوانیں رنگ ءَ عمل کنگ ءِ رفتار ءَ را گیش تیز کنگ بہ بیت تانکہ پاکستان اقتصادی مشکل آنی گرداب ءَ چہ در بہ کپ ایتءُ پائیدار دیمروئی ءِ مول ءُ مراد آناں راستیں رنگ ءَ سرجم کنگ ءَ سوبین بہ بیت۔ گند ءُ نند ءَ وفاقی وزیر ءِ ھزانگ سینیٹرمحمد اورنگزیب، موسمیاتی بدلی ءِ وفاقی وزیر ڈاکٹر مصدق ملک، پٹرولیم ءِ وفاقی وزیر علی پرویز ملک، ھزانگ ءِ وزیر ءِ مملکت بلال اظہر کیانی، درستیں صوبگ آنی چیف سیکرٹری، چیئرمین ایف بی آر ءُ ایندگر سیادی داروکیں سرکاری کارندہ آنی بھر زوری بوتگ۔