اسلام آباد۔15نومبر (اے پی پی):اردن ءِ بادشاہ عبداللہ دوم ءَ را مزن وزیر گس ءَ وش اتک کنگ بوت۔ مزن وزیر محمد شہباز شریف ءَ اردن ءِ بادشاہ عبداللہ دوم ءَ را وش اتک کت ءُ دوئیں رہشوناں گوں گرمیں دست ءُ دیم کت۔ مزن وزیر گس ءَ سر بوھگ ءِ پد ءَ شمبے ءِ روچ ءَ آئی ءِ شرپ ءَ مزنیں استقبالیہ مراگش برجم دارگ بوت۔ اے موہ …
اردن ءِ شاہ عبداللہ دوم ءَ را مزن وزیر گس ءَ وش اتک کنگ بوت، گارڈ آف آنر پیش کنگ بوت
گیشتریں ھال
اسلام آباد۔15نومبر (اے پی پی):اردن ءِ بادشاہ عبداللہ دوم ءَ را مزن وزیر گس ءَ وش اتک کنگ بوت۔ مزن وزیر محمد شہباز شریف ءَ اردن ءِ بادشاہ عبداللہ دوم ءَ را وش اتک کت ءُ دوئیں رہشوناں گوں گرمیں دست ءُ دیم کت۔ مزن وزیر گس ءَ سر بوھگ ءِ پد ءَ شمبے ءِ روچ ءَ آئی ءِ شرپ ءَ مزنیں استقبالیہ مراگش برجم دارگ بوت۔ اے موہ ئَ دوئیں ملک آنی راجی سوت الہان کنگ بوت انت۔ سلاہ بندیں اُرد ءِ یک جوانیں پوشاکیں دستے ءَ اردن ءِ بادشاہ عبداللہ دوم ءَ را گارڈ آف آنر پیش کت ءُ بادشاہ عبداللہ دوم ءَ گارڈ آف آنر ءِ چار ءُ تپاس کت۔ مزن وزیر محمد شہباز شریف ءَ وفاقی کابینہ ءِ باسکاں اردن ءِ شاہ عبداللہ دوم ءَ گوں پجار کتگ وھدیکہ اردن ءِ بادشاہ ءَ وتی ڈل ءِ باسکاں مزن وزیر محمد شہباز شریف ءَ گوں ھم پجار کتگ۔ شاہ عبداللہ دوم ءَ مزن وزیر ءِ گس ءِ سبزیں دمگ ءَ یک پودے ءِ ہم کش اتگ۔
