آرمی ءِ سروک فیلڈ مارشل سید عاصم منیر ءَ تاجکستان ءِ وزیر دفاع کرنل جنرل سوبر زودہ امام علی عبدالرحیم   ءَ گوں گند ءِ نند کتگ

راولپنڈی۔14نومبر  (اے پی پی): آرمی اسٹاف ءِ سروک فیلڈ مارشل سید عاصم منیر ءَ تاجکستان ءِ گوما دفاعی ءِ ایمنی ءِ سیادی ءَ را گیش مھکم کنگ ءِ واستہ پاکستان ءِ عزم ءِ سر ءَ زور پر دات ءِ دمگی برجائی ءِ وشھالی ءِ واستہ یکجائی کوشست آنی ارزشت ءِ سر ءَ زور پر دات۔ جمعہ ءِ روچ ءَ انٹر سروسز پبلک ریلیشنز ءِ نیمگ ءَ چہ جاڑی بوتگیں بیان ءِ رد ءَ آرمی اسٹاف ءِ سروک فیلڈ مارشل سید عاصم منیر ءَ تاجکستان ءِ وزیر دفاع کرنل جنرل سوبرزودہ امام علی عبدالرحیم ءَ گوں جنرل ہیڈ کوارٹر ءَ گند ءِ نند کتگ۔ گند ءِ نند ءَ وت مہ وتی مفاد ءِ جیڈھ، دمگی ایمنی ءِ دو نیمگی دفاعی کمک ءِ جیڈھ آنی سر ءَ گپ ءِ تران کنگ بوت۔ دوئیں نیمگاں ھاسیں رنگ ءَ تربیت، ناشرکاری ءِ ھلاپ ءَ جنگ ءِ دمگی ایمنی ءِ پڑ ءَ استیں فوجی کمک ءَ را گیش کنگ ءِ جزم ءِ درشانی کتگ۔ پُرمڈائیں مہمان ءَ پاک فوج ءِ پیشہ وارانہ رنگ ءَ ساڑات ءِ دمگی استحکام ءِ امن ءِ دیمروئی ءِ واستہ آئی ءِ کرد ءَ را من اِت۔ فیلڈ مارشل ءَ تاجکستان ءِ گوما دفاعی ءِ ایمنی ءِ سیادی ءَ را گیش مھکم کنگ ءِ واستہ پاکستان ءِ جزم ءِ سر ءَ زور پر دات ءِ دمگی برجائی ءِ وشھالی ءِ واستہ یکجائی کوشست آنی ارزشت ءِ سر ءَ زور پر دات۔