پاکستان ءِ معیشت ءَ 2025 ءِ تباہ کنوکیں سیلاب ءِ باوجود غیر معمولی برجائی ءِ درشانی کتگ، منصوبہ بندی ءِ وفاقی وزیر احسن اقبال ءِ ھمک ماہی دیمروئی رپورٹ ءُ  ما ءِ جوان تریں اپسرگ ءِ  نامینگ ءِ  مراگش ءَ گوں گشتانک

اسلام آباد۔14نومبر  (اے پی پی): منصوبگ بندی ءِ وفاقی وزیر احسن اقبال ءَ گوشت کہ 2025ءِ  ٹوھیں  سیلاپ آں ابید  پاکستان ءِ معیشت ءَ غیر معمولی برجائی ءِ درشانی کتگ، حکومت ءِ وھد ءِ سر ءَ گامگیج، این ڈی ایم اے ءِ سروکی ءَ چہ یلہ کنگ ءُ ھمگرنچیں امدادی آپریشن ءُ پیشگی ہنگامی منصوبگ بندی ءَ چہ سیکٹر ءِ ھاسیں تسلسل ءَ را دل یکیمی کتگ۔ آئی ءَ اے ھیالانی درشانی جمعہ ءِ روچ ءَ وزارت ءِ منصوبگ بندی ءَ برجم داشتگیں ماہ ءِ جوانیں افسر ءُ ماہانہ دیمروئی رپوٹ ءِ گچین کاری ءِ مراگش ءَ گوں تران کنان ءَ کت۔ وفاقی وزیر ءَ گوشت کہ حکومت الس ءِ رکھینگ، روزگار ءَ را بحال کنگ ءُ برجائی اقتصادی دیمروئی ءِ راہ ءَ انت۔ مالی سال ءِ اولی دو ماہ ءَ مہنگائی ءِ تہ ءَ کمی برجاہ بوتگ۔ افراط زر ءِ شرح جولائی ءَ 4.1درسد ءُ اگست ءَ 3درسد بوتگ کہ ایشی ءَ چہ نرخ آنی تہ ءَ بنداتی برجائی ءِ درشان اِنت۔ احسن اقبال ءَ گوشت کہ سیلاب ءِ سبب ءَ بوتگیں پینگ آنی سبب ءَ اے رجحان ءَ را عارضی رنگ ءَ آماچ کتگ ایشی ءِ آسر ءَ ستمبر ءَ مہنگائی 5.6درسد ءُ اکتوبر ءَ 6.2درسد ءَ سر بوتگ۔ آئی ءَ گوشت کہ جولائی ءَ چہ اکتوبر ءِ تہ ءَ اوسط افراط زر 4.7درسد بوتگ کہ گوستگیں سال ءِ ھمے وھد ءَ ریکارڈ بوتگیں 8.7درسد ءَ چہ باز کم اِنت۔ وفاقی وزیر ءَ گوشت کہ دو سال ءِ برجاھیں کمی ءَ پد مزنیں کساس ءَ مینوفیکچرنگ ءَ را وشھالی گندگ بوتگ، اے گہتری ءَ چہ خام مال ءُ ایندھن ءِ لوٹ ءَ را گیشی بوتگ، ایشی ءَ چہ صنعتی کار آناں نوکیں رپک ءُ رپک دیگ بوھگ ءَ اِنت۔ احسن اقبال ءَ گوشت کہ جولائی اکتوبر ءِ تہ ءَ ایف بی آر ءِ ٹیکس ءِ جم کنگ ءِ تہ ءَ مدام گیشی برجاہ بوتگ کہ گوستگیں سال ءَ 3.4 ٹریلین کلدار ءِ مقابلہ ءَ 3.8 ٹریلین کلدار ءَ سر بوتگ۔ اے کارکردگی 11.4درسد ءِ مزنیں شرح ءِ دیمروئی ءِ درشان اِنت۔ ھمے رنگ ءَ مالی سال ءِ جولائی اگست ءِ ساھت ءَ ملک ءِ برآمدات ءِ تہ ءَ 0.7درسد ءِ گیشی بوتگ کہ اے جوانیں رجحان ءِ درشان اِنت۔ بلے گوستگیں سیلاب ءِ سبب ءَ سپلائی ءِ تہ ءَ پینگ ءِ سبب ءَ برآمداتی شوبگ ءَ را تاوان رستگ ءُ ایشی ءِ آسر ءَ جولائی ءَ بگر داں اکتوبر ءَ برآمدات ءِ تہ ءَ 4درسد کمی بوتگ وھدے کہ جولائی ءَ بگر داں ستمبر ءَ سروسز ءِ برآمدات 14.7درسد ءِ گیشی ءَ گوں 2.2ارب ڈالر بوتگ۔ آئی ٹی ءِ برآمدات ءَ 20.5درسد ءِ گیشی بوتگ ءُ 1.1ارب ڈالر بوتگ۔ دومی نیمگ ءَ ھمے وھد ءِ تہ ءَ درآمدات ءَ ھم گیشی بوتگ۔ آئی ءَ گوشت کہ کلیں درآمدات 23ارب ڈالر ءَ سر بوتگ ایشی ءَ چہ 15.1درسد ءِ گیشی ءِ درشان انت۔ احسن اقبال ءَ گوشت کہ مالی سال 2026 ءِ جولائی ءَ چہ اکتوبر ءِ تہ ءَ زرّ ءِ دیم دیگ ءِ تہ ءَ مدام گیشی بوتگ کہ گوستگیں سال ءِ 11.9ارب ڈالر ءِ مقابلہ ءَ 13.0ارب ڈالر ءَ سر بوتگ۔ اے رجحان حکومت ءِ اقتصادی حکمت عملی ءِ سر ءَ درملکیں پاکستانی آنی گیش بوھوکیں اعتماد ءُ اقتصادی برجائی ءَ را گہتر کنگ ءِ یک پدریں نشانی یے ۔ وفاقی وزیر ءَ گوشت کہ مالی سال ءِ اولی چار ماہ ءِ تہ ءَ پی ایس ڈی پی ءِ چیر دستی ءَ 33.4ارب کلدار منظور کنگ بوتگ وھدیکہ 134.2ارب کلدار ءِ ریلیز کنگ ءِ اجازت دیگ بوتگ ایشی ءَ چہ یک کھرب کلدار ءِ دیمروئی پروگرام ءِ چیر دستی ءَ منصوبگ آنی تسلسل ءُ جوانیں رنگ ءَ عمل درآمد ءِ مھکمیں پیشرفت ءِ درشانی کنگ بیت۔ سیلاب ءِ ھوالگ ءَ پینگ آنی باوجود پی ایس ڈی پی ءِ فنڈز ءِ کارمرد کنگ ءَ کمیں گیشی بوتگ۔ آئی ءَ گوشت کہ حکومت ملک ءِ چاریں صوبگ آنی تہ ءَ دیمروئی ءِ عمل ءَ را متوازن رنگ ءَ منصوبگ بندی ءُ ایشی ءِ سر ءَ عمل کنگ ءَ انت۔ دیمروئی منصوبگ آنی نگرانی ءُ ارزیابی ءَ اے منصوبگ آنی تہ ءَ شفافیت آرگ ءَ کمک کتگ۔ دیمروئی ءِ شوبگ ءَ وزارت ءَ اکتوبر 2025 ءَ سی ڈی ڈبلیو پی ءِ وسیلگ ءَ 12 منصوبگ ءُ 5 کانسیپٹ کلیئرنس ءِ منظوری داتگ وھدیکہ 6 مزنیں منصوبگ ای سی این ای سی ءَ را روان دیگ بوتگ انت کہ ایشی ءَ چہ دیمروئی ءِ گامگیج آناں ترند کنگ ءِ ھاترا حکومت ءِ عزم ءِ درشانی کنگ بوتگ۔ احسن اقبال ءَ گوشت کہ منظور کتگیں منصوبگ آنی تہ ءَ دیمروئی ءِ کار آنی تہ ءَ گیشی ءِ سبب ءَ جتا جتائیں شوبگ آنی تہ ءَ نزیک ءَ 56184براہ راست ءُ 39326 بالواسطہ روزگار ءِ موہ پیداک بنت۔ جولائی ستمبر 2025 ءِ دوران ءَ دیمروئی منصوبگ آنی تہ ءَ ھرچ ءُ درچ ءِ بچت ءِ سبب ءَ 100کروڑ کلدار ءِ بچت بوتگ۔ 2.2 ارب ، کہ منصوبہ آنی احتیاط ءِ منصوبہ بندی ءُ شریں کارکردگی ءِ یک واضح ثبوت انت۔ 2013 ءَ بگر داں 2018 ءَ مسلم لیگ ن ءِ سرکار ءِ وھد ءَ سی پیک ءَ پاکستان ءَ ارباں کلدار سرمایہ کاری کتگ ۔ پی ٹی آئی ءَ وتی حکومت ءِ وھد ءَ سی پیک ءَ اسکینڈل کتگ ات کہ ایشی ءِ سبب ءَ ارباں کلدار سرمایہ کاری دگہ ملکاں شتگ ات۔ احسن اقبال ءَ گوشت کہ سی پیک دومی بھر ءِ چیر دستی ءَ ملک ءَ دیمروئی ءِ نوکیں راہ پچ بنت، پاکستان ءِ دیمروئی انسانی وسائل ءِ سر ءَ بندوک اِنت، معیشت ءَ را مھکم کنگ ءِ واستہ سرجمیں دگنیا ءَ چہ جوانیں ٹیلنٹ ءُ ھزاراں پی ایچ ڈی آں پاکستان ءَ کاریں ۔