وفاقی کابینہ ءَ گوادر عمان فیری سروس، پاکستان ءِ عمان ءَ زوت تپاک نامہ ءِ سر ءَ دستخط کنگ ءِ منظوری داتگ، وفاقی وزیر جنید انوار  چوہدری

اسلام آباد۔14نومبر  (اے پی پی): وفاقی وزیر برائے میری ٹائم محمد جنید انور چوہدری ءَ گوشت کہ وفاقی کابینہ ءَ پاکستان ءِ عمان ءِ نیام ءَ مسافر ءِ کارگو ءِ ٹرانسپورٹ ءِ واستہ گوادر ءِ عمان فیری سروس ءِ بندات کنگ ءِ منظوری داتگ کہ اے دمگ ءَ نوکیں سفارتی ءِ اقتصادی گامگیج اِنت۔ وزارت ءِ نیمگ ءَ جاڑی بوتگیں پریس ریلیز ءِ رد ءَ وفاقی وزیر ءَ گوشت کہ پاکستان ءِ عمان زوت یک تپاک نامہ ءِ سر ءَ دستخط کن اَنت وھدیکہ عمان ءِ مزن تک ءِ ڈل زوت پاکستان ءِ تر ءِ تاب ءَ کنت تانکہ آزات آپریشن ءِ عملی ءِ تکنیکی پڑ آناں گڈی رنگ ءَ بہ کنت۔ آئی ءَ گوشت کہ اے منصوبگ جولائی 2025ءَ اسلام آباد ءِ تر ءِ تاب ءِ وھد ءَ فہد بن سلمان بن خلاف الخرویسی ءِ گوما برجم داشتگیں ھاسیں گند ءِ نند ءِ برجاہ اِنت، ایشی ءِ ساھت ءَ دمگ ءَ سمندری کمک، اقتصادی شریکداری ءِ نوکیں سمندری راہداری آنی امکان آنی ھوالگ ءَ ھیال ءِ لیکہ آنی سرجمیں رنگ ءَ تبادلہ کنگ بوتگ۔ جنیدا انور چوہدری ءِ رد ءَ گوادر ءَ چہ عمان ءَ براہ راست فرمی روٹ ءَ چہ نہ ایوک ءَ دو نیمگی تجارت ءِ کساس گیش بیت بلکیں میاں اوستمانی ریاست آنی تہ ءَ سامان ءِ مسافر آناں کم ھرچ ءِ ترندیں ٹرانسپورٹ ءِ آسراتی ھم رس ایت، ایشی ءَ چہ پاکستان ءَ را یک ھاسیں دمگی ٹرانزٹ ہب ءِ رنگ ءَ دیم ءَ اتک کنت۔ جنیدو انور ءِ اندازہ ءِ رد ءَ آیوکیں لھتیں سال آنی تہ ءَ گوادر ءِ سالانہ برآمداتی آمدنی 850 ملین ڈالر ءَ چہ گیش بوت کنت کہ ایشی ءِ تہ ءَ 645 ملین ڈالر مچھی ءِ سر ءَ بنیات ءِ سر ءَ ماہی گیری ءَ چہ ءِ 200 ءَ چہ 205 ملین ڈالر خرما ءِ شوبگ ءَ چہ آمدنی ءِ گمان اِنت۔ آئی ءِ رد ءَ عمان ءِ ایندگر دمگی ملک گوادر ءِ نوکیں میری ٹائم کوریڈور آنی وسیلگ ءَ میاں اوستمانی مارکیٹ آناں موثر رسائی ءِ توان ءَ رس اَنت۔ وفاقی وزیر ءَ گوشت کہ 2024 ءَ پاکستان ءِ عمان ءَ برآمدات 224ملین ڈالر بوتگ بلے مفت سروس ءِ بندات، بندرگاہ ءِ بنیات ءِ گہتری ءِ وت مہ وتی کمک ءَ را گیش کنگ ءَ پد اے کساس ءَ مزنیں کساسے ءَ گیشی ءِ گمان اِنت۔ آئی ءِ رد ءَ نوکیں مفت سروس مسافر ءِ کارگو ءِ نقل و حرکت ءِ واستہ روایتی ہوائی ءِ دریائی راہ آنی بدل ءَ کم ھرچ ءِ درچ ، چاگرد دوست ءِ تیزیں متبادل ثابت بیت۔ پاکستان ءَ وتی راجدپتر ءِ تہ ءَ اولی رند ءَ نجی کمپنی ءَ را غیر میاں اوستمانی فیری سروس لائسنس ھم داتگ ایشی ءَ چہ پاکستان ءِ جی سی سی ءِ ملک آنی نیام ءَ عمان، متحدہ عرب امارات، بحرین ءِ ایران ءَ ھوار باقاعدہ فیری آپریشن ءِ راہ پچ بوتگ۔ وزیر ءِ رد ءَ اے گامگیج ءَ چہ پرائیویٹ سیکٹر ءِ سرمایہ کاری ءَ را گیش کنگ ءِ خطہ ءَ دریائی تجارت ءَ را نوکیں زور دیگ بیت۔ آئی ءَ گوشت کہ 2024ءِ گڈ ءَ تاں عمان ءَ نندوکیں پاکستانی آنی کساس 25 ءَ چہ 32 لکھ ءِ نیام ءَ بوتگ وھدیکہ اگاں جتا جتائیں زمرے ءِ ورک ویزہ آناں ھوار کنگ بہ بیت گڈا اے کساس 36لکھ ءَ سر بیت۔ نوکیں فیری سروس اے پاکستانی آنی واستہ مزنیں آسراتی ثابت بیت ایشی ءَ چہ بیپاری، ھاندانی ءِ چاگردی سیادی ءَ را گیش مھکم بیت۔ جنید انور چوہدری ءَ گوشت کہ پاکستان ءِ عمان ءِ میری ٹائم کوریڈور ءِ تہ ءَ تیزی ءَ گوں نوکیں دمگ جوڑ بوھگ ءَ انت۔ دوئیں ملک آنی ساحلی ندارگ، دود ءِ ربیدگی رابطہ ءِ کسانیں دریائی دوری ءِ سبب ءَ الس ءَ را دلکشیں موہ رس ایت۔ آئی ءِ رد ءَ نوکیں فیری سروس ءَ چہ دمگ ءَ را مزنیں میری ٹائم ہب ءِ رنگ ءَ بدل کنگ بیت کنت کہ ایشی ءَ چہ مہمان نوازی، ٹرانسپورٹ ءِ سروسز ءِ شوبگ ءَ مزنیں کاروائی آنی سبب جوڑ بیت۔ وفاقی وزیر ءَ گوشت کہ اے منصوبگ پاکستان ءِ سرجمیں میری ٹائم حکمت عملی ءِ بھر اِنت، ایشی ءِ چیر دستی ءَ گوادر ءَ را خطہ ءِ اقتصادی چست ءِ ایر آنی مرکز جوڑ کنگ ءِ پاکستان ءَ را میری ٹائم ءِ دمگی مرکز جوڑ کنگ ءِ مستریں مول ءِ مراد اَنت۔ گوادر ءِ عمان ءِ گاڑی ءِ سروس اے مول ءِ مراد ءِ سرجم کنگ ءِ ھاترا یک ھاسیں ءِ عملی گامگیجے ۔