قانون سازی حکومت ءِ حق انت، سر وزیر بلوچستان

کوئٹہ۔ 14 نومبر (اے پی پی): بلوچستان ءِ سر وزیر مراد سرفراز بگٹی ءَ گشتگ کہ قانون سازی حکومت ءِ حق انت۔ بلوچستان اسمبلی ءِ دیوان ءِ درگت ءَ میڈیا ءَ گوں تران کنان ءَ آئی ءَ گشتگ کہ اسمبلی ءِ گیشتریں بہر ءَ چکانی آروس ءِ مکن کنگ ءِ بابت ءَ منظور بوتگیں بل ءِ سرا وتی حیال درشان کتگ ءِ بل ءِ حق ءَ ووٹ داتگ کہ اے جمہوری عمل ءِ مہکمی ءِ نشانی انت۔ بنجاھی وزیر ءَ گوشت کہ زھرشانی اپوزیشن ءِ جمہوری ھک انت ءِ حکومت نا ایوک ءَ اے ھک ءِ احترام ءَ کنت بلکینگ ءَ گپ ءِ تران ءِ دروازگ ءَ ھم پچ دار ایت ۔ آئی ءَ گوشت کہ اختلاف ءِ جمہوریت ءِ زیبائی انت، البت راج ءِ جوانیں مفاد ءِ واستہ کانود جوڑ کنگ بیت۔ چائلڈ میریج ءِ پابندی ءِ ھوالگ ءَ بل ءِ ھوالگ ءَ بنجاھی وزیر ءَ درائینتگ کہ اے بل گوستگیں 6 ماہ ءَ چہ بلوچستان اسمبلی ءِ سیادی داروکیں کمیٹی آنی تہ ءَ ھوار بوتگ ءِ ایشی ءِ پد ءَ درستیں لوٹ آنی رد ءَ کنگ بوتگ۔ آئی ءَ گوشت کہ بلوچستان ءِ کابینہ ءَ باز دیر پیسر اے بل منظور کتگ ات ءِ رھبند ءِ رد ءَ مرچی اسمبلی ءَ منظور کنگ بوت۔ بنجاھی وزیر سرفراز بگٹی ءَ گوشت کہ حکومت ءَ مدام تپاکی ءِ وسیلگ ءَ کانود سازی ءَ را اولیت داتگ ءِ کوشست کنگ بوتگ کہ ہر بل ءَ را مزنیں شور ءِ سلاھ ءِ شفافیں کارروائی ءَ پد منظور کنگ بہ بیت۔ بلوچستان ءِ بنجاھی وزیر ءَ گوشت کہ حکومت بلوچستان ءِ دیمروئی ءِ الس ءِ گہبودی ءِ واستہ سرجمیں سنجیدگی ءِ زمہ واری ءِ گوما کار کنگ ءَ انت ءِ اے رچ  برجاہ مان ایت۔