وزیر دفاع خواجہ محمد آصف ءِ گشگ انت کہ بیست ءُ ہفتمی ترمیم ءَ چہ مہلوک ءَ را انصاف رسیت، جیڑہانی منصفانہ رنگ ءَ گیش ءُ گیوار کنگ ءَ کمک رسیت

اسلام آباد۔14نومبر  (اے پی پی): وزیر دفاع خواجہ محمد آصف ءَ گشتگ کہ بیست ءُ ہپتمی ترمیم ءَ چہ الس ءَ را انصاف رسیت ءُ جیڈھ آنی انصاف ءَ گوں گیواری ءَ کمک رسیت۔ جمعہ ءِ روچ ءَ قومی اسمبلی ءِ دیوان ءَ تران کنان ءَ آئی ءَ گشتگ کہ آئین ءَ اے ایوان ءَ را واک ءُ اختیار داتگ انت ءُ پارلیمنٹ بالادست انت۔ آئی ءَ گوشت کہ اے پیسلہ اپوزیشن ءِ الس ءَ کنگی اِنت آیا آ پاکستان ءِ آئین ءِ گوما وفاداری کن اَنت یا یکیں مردم ءِ گوما۔ دفاع ءِ وزیر خواجہ محمد آصف ءَ گشتگ کہ وانا ءُ اسلام آباد ءَ ناشرکاری ءِ وئیل بوتگ انت ایشانی سرا ایشانی زبان ءَ یک لبزے ھم دراتک نہ بوتگ، آہاں پیسلہ کنگی انت کہ آ پاکستان ءِ گوما اوشتاتگ انت یا جنگولانی گوما۔ اے مردم پاکستان ءِ ادارہ، آئی ءِ ادارہ ھاسیں رنگ ءَ پارلیمنٹ ءِ گوما نہ اوشتاتگ اَنت بلکیں وتی مفاد ءِ گوما اوشتاتگ اَنت۔ آئی ءَ اپوزیشن ءِ سر ءَ ناشرکارانی گوں ھمدردی ءِ الزام جتگ ءُ گوشت کہ آ چہ سیم سر ءِ دگہ نیمگ ءَ زوراکی ءِ کار آنی تہ ءَ ھواریں مردمانی رکھینگ لوٹ اَنت۔ آہاں فیصلہ کنگی انت کہ آ پاکستان ءِ گوما اوشتاتگ انت یا یک مردمے ءِ گوما اوشتاتگ انت۔ وزیر دفاع ءَ گوشت کہ پاکستان ءِ اُرد ملک ءِ زمینی، دریائی ءُ ھوائی سیم سر آنی رکھینگ ءِ رنگ ءَ یک نوکیں راجدپتر ءِ جوڑ کنگ ءَ انت۔ عمران خان ءُ آئی ءِ ھمراھانی سر ءَ کرپشن ءِ بھتام جنان ءَ وزیر دفاع ءَ گوشت کہ پاکستان ءِ 78سال ءِ راجدپتر ءَ اے کچ ءَ کرپشن ءِ گواہ کس ءَ نہ دیستگ۔