جہانی یوم ذیابطیس ننے دا ناجوڑی نا تالانی و راجی و زرگزرانی اثرآتا کنڈآ چکار کرفک، اسپیکر سردار ایاز صادق

اسلام آباد۔ 14 نومبر (اے پی پی) اسپیکر قومی اسمبلی سردار ایاز صادق پارینے کہ ذیابیطس نا جہانی دے ننے دا ناجوڑی نا ودوک آ تالانی و اونا راجی و زرگزرانی اثرآتا کنڈآ چکار کرفک۔ پاکستان اٹ ذیابیطس نا ناجوڑ آتا ودوک آ کچ اسہ تشویشناک ءُ حقیقت اسے۔ ذیابیطس کن گچین آگاہی، وخت آ تشخیص و جوان درمان اسکان رسینگ المی ءِ۔ جمعہ نادے آ ذیابیطس نا جہانی دے نا وخت آ تینا کلہو اٹی اوپارے کہ جان جوڑ طرز زند، متوازن خور و باقاعدہ ورزش آن دا ناجوڑی آن بچفنگ ممکن ءِ ، ذیابیطس نا مقابلہ اجتماعی شعور، سوگو پالیسی و زموارانہ رویہ غاتے اٹ ہی ممکن ءِ۔ ذیابیطس آن بچفنگ کن آگاہی و وخت آ تشخیص المی ءِ، الس اٹ جان جوڑی نا طرز زند و باقاعدہ طبی معائنہ غاتا اہمیت ءِ تالان کننگے۔ اوپارے کہ حکومت ذیابیطس نا توننگ و درمان کن جوان حکمت عملی آ کاربند ءِ۔ ورناچین ءِ ذیابیطس آن بچفنگ کن خصوصی آگاہی مہم نا گرج ءِ، ذیابیطس نا بابت جہانی کوشست آتیٹی پاکستان پبی کڑد ادا کننگ ءِ۔