پاک بحریہ نا کنڈآن پنچ می انٹرنیشنل ناٹیکل کمپی ٹیشن نا ایسری دود اس اڈ  ، ترکیہ نا ٹیم سرسہب

اسلام آباد۔ 14 نومبر (اے پی پی) پاک بحریہ نا کنڈآن پنچ می انٹرنیشنل ناٹیکل کمپی ٹیشن نا ایسری دود اس اڈتننگا ہراٹی کمانڈر کراچی بطور مہمان خاص بشخ ہلک۔ سرجم حوال آتا رداٹ دا مقابلہ غاتیٹی پاکستان، آذربائیجان، انڈونیشیا، ایران ، اٹلی ، سعودی عرب، عمان، سری لنکا، ترکیہ و متحدہ عرب امارات نا ٹیمک بشخ ہلکر۔ ایونٹ اٹی کشتی ررانی، تیراکی، سمندر اٹی جون بچفنگ و سی مین شپ انا مقابلہ غاک اوار ئسر۔ ترکیہ نا ٹیم داایونٹ نا سرسہب گوندنگا۔ مہمان خاص کٹوک آ گوازی گر آتیٹی انعام بشخا۔ دامقابلہ غاتا مسخت پاکستان اٹ بحری گوازی تا مون آ دننگ تون اوار اوار سنگت ملک آتا گوازی گر آتا نیام اٹ مقابلہ غاتا است بڈی ءِ کننگ ءِ۔ دود اٹی بڑزکو سول و عسکری آفیسر، سفارتکار و گوازی گر آک بھلو کچ اسے ٹی بشخ ہلکر۔