ڈی جی آئی ایس پی آر ءَ کانونٹ جیسس اینڈ میری ، بیکن ہاؤس ءُ روٹس اسکول سسٹم ءِ نودربر ءُ استادانی گوما ھاسیں گند ءُ نند کتگ ، آپریشنل معاملہ ءُ پاک فوج ءِ اندری جاور ھال آنی سر ءَ گپ ءُ تران

اسلام آباد۔13نومبر  (اے پی پی): ڈی جی آئی ایس پی آر ءَ کانونٹ جیسس اینڈ میری ، بیکن ہاؤس ءُ روٹس اسکول سسٹم ءِ نودربر ءُ استاد آنی گوما ھاسیں گند ءُ نند کت، ایشی ءِ تہ ءَ پاک اُرد ءِ آپریشنل جیڈھ ءُ اندری جاور ھال آنی سر ءَ گپ ءُ تران کت۔ تفصیل ءِ رد ءَ پرنسپل کانونٹ جیسس ءُ مریم اسکول ءَ پاک فوج ءِ قربانی آناں شگر ءُ منت پیش کتگ۔ استاد ءُ نودربراں ھم اے خاصیں دیوان ءَ وتی منت واری ءِ درشانی کت۔ نودربر ءُ استاداں گوشت کہ اے مئے واستہ مزنیں شرپے کہ مارا وتی آرمی ءَ گوں گپ ءُ تران کنگ ءِ موہ رستگ۔ استاداں گوشت کہ مرچی ما زانتگ کہ چون ابدی دژمن ءِ اسٹریٹجک تکبر ءِ دیم ءَ دارگ بہ بیت، ما پاک فوج ءَ را وتی مھکمیں جزم ءُ بہادری ءِ سر ءَ سلام پیش کنیں۔ نودربراں گوشت کہ مارا وتی سلاہ بندیں اُرد ءِ سر ءَ فخر اِنت کہ آ مدام راج ءِ واستہ وتی جان ءِ قربان کنگ ءَ تیار اَنت، ڈی جی آئی ایس پی آر ءَ مارا راستیں چمشانک ءَ چہ راستی ءَ چارگ ءِ سکین داتگ، آئی ءَ مارا سوشل میڈیا ءِ ھوالگ ءَ پروپیگنڈا، گمراہ کنوکیں ءُ تاوان باریں ھال آنی بابت ءَ سرپد کتگ۔ نودربراں گوشت کہ زمہ واریں شہری ءِ بستار ءَ مارا سوشل میڈیا ءِ پروپیگنڈا ءَ چہ وت ءَ را رکھینگ لوٹ ایت، راستی ءِ زانگ ءِ واستہ میڈیا ءَ شنگ بوتگیں ھال آنی تچک کنگ المی اِنت، پاک فوج ءُ الس ءَ یکجائی ءَ بھارت ءِ ھلاپ ءَ مھکمیں اتحاد جوڑ کتگ، ما شری ءَ سرپد بوتگیں کہ پاک فوج چون ملک ءَ را ناشرکاری ءَ چہ رکّینگ ءَ کمک کنگ ءَ اِنت۔