بین پارلیمانی اسپیکر کانفرنس ءِ آسر بوتگ، جتا جتائیں ملک آنی ڈل کانفرنس ءَ بہر زورگ ءَ پد وتی ملک ءَ واتر بوتگ انت

اسلام آباد۔13نومبر  (اے پی پی): چیئرمین سینیٹ سید یوسف رضا گیلانی ءِ سروکی ءَ انٹر پارلیمانی اسپیکر کانفرنس سوبمندیں رنگ ءَ آسر بوت۔ اے دیوان ءَ بہر زورگ ءَ پد جتا جتائیں ملک آنی ڈل وتی ملک ءَ واتر بوتگ اَنت۔ سینیٹ ءِ سیکرٹریٹ ءِ نیمگ ءَ جاڑی بوتگیں بیان ءِ رد ءَ کانفرنس ءَ بھر زوری ءَ پد ترکی ءِ ایم پی علی شاہین ءَ چیئرمین سینیٹ ءَ را کانفرنس ءِ سوبمندیں برجم دارگ ءِ مبارک بات داتگ ءُ آئی ءِ سروکی ءَ را ساڑاتگ۔ آئی ءَ بے دروریں مہمان داری ءِ پد ءَ سینیٹ، سینیٹ ءِ چیئرمین ءُ پاکستان ءِ الس ءِ شگر ءُ منت گپت ءُ پاکستان ءَ را وتی دومی گس گوشت۔ ملائیشیا ءِ سینیٹ ءِ نائب صدر نور جزلان بن محمد  ءَ سینیٹ ءِ چیئرمین سید یوسف رضا گیلانی ءِ وژن ءُ رہشونی ءِ مہارت ءِ توسیپ کت ءُ کانفرنس ءِ جوانیں برجم دارگ ءِ سرا مبارک بات دات۔ آذربائیجان ءِ ڈپٹی اسپیکر علی احمدوف  ءَ سینیٹ ءِ چیئرمین ءِ وژن ءِ توسیپ کت ءُ گوشت کہ کانفرنس ءَ پارلیمانی سیادی ءَ را گیش مھکم کنگ ءِ واستہ ھاسیں کرد پیلو کتگ۔ مالدیپ ءِ اسپیکر عبدالرحیم عبداللہ  ءَ کانفرنس ءِ سوبمندیں برجم دارگ ءِ سر ءَ سینیٹ ءِ چیئرمین ءَ را مبارکی دات ءُ آئی ءِ سروکی ءَ را مثالی لیک ات ءُ پاکستان ءِ مہمان داری ءِ سر ءَ پاکستان ءِ الس ءِ منت گپت۔ فلپائن ءِ پیسریگیں صدر ءُ ڈل ءِ سروک گلوریا ماکاپاگال  ءَ سینیٹ ءِ چیئرمین سید یوسف رضا گیلانی ءِ وژن ءَ را شگر ءُ منت گپت ءُ پاکستان ءِ اُلس ءِ گرمیں مہمان داری ءَ را ساڑات۔ لائبیریا  ءِ سپیکر رچرڈ ناگبے کُون ءَ بین پارلیمانی اسپیکر کانفرنس ءِ برجم دارگ ءِ وش آتک کت ءُ سینیٹ ءِ چیئرمین ءِ سینیٹ ءِ سروکی  ءِ توسیپ کت۔ بیلاروس ءِ  پارلیمان ءِ باسک سرگئی ایلینک  ءَ ھم چیئرمین سینیٹ ءِ وژن ءِ توسیپ کتگ ءُ پاکستان ءِ واستہ وتی نیکیں واھگ آنی درشان کتگ۔ سومالی ڈل ءِ سروک سعدیہ یاسین حاجی  ءَ پارلیمانی سیادی ءَ را مھکم کنگ ءِ واستہ چیئرمین سینیٹ سید یوسف رضا گیلانی ءِ وژن ءَ را ساڑات ءُ پاکستان ءِ واستہ نیکیں واھشت آنی درشان کت۔ بارباڈوس  ءِ  اسپیکر آرتھر یوجین ہولڈر ءَ  ھم چیئرمین سینیٹ ءِ وژن ءَ را شگر ءُ منت گپت ءُ گوشت کہ اے کانفرنس پارلیمانی سیادی ءَ را دیمروئی دیگ ءِ یک جوانیں وسیلگ ءِ رنگ ءَ ثابت بوتگ۔ سعودی عرب، واشنگٹن ٹائمز ءِ نمائندگ ءُ آئی ایس سی سیکرٹریٹ ءِ باسکاں ھم چیئرمین سینیٹ سید یوسف رضا گیلانی ءِ سروکی، آئی ءِ امن ءُ دیمروئی ءِ وژن ءُ آئی ءِ وطن ءَ واتر بوھگ ءِ موہ ءَ پاکستان ءِ مہمانداری ءِ توسیپ کتگ۔ کانفرنس ءِ گڈ ءَ ڈل آں سوبمندیں کانفرنس ءِ برجم دارگ ءِ ھاتر ءَ سینیٹ ءِ چیئرمین سید یوسف رضا گیلانی ءَ را شگر ءُ منت دات ءُ گوشت کہ اے کانفرنس پارلیمانی سفارتکاری، امن ءُ دیمروئی، وت مہ وتی کمک ءِ دیمروئی ءِ رھشونی ءَ راجدپتری سنگ میل ءِ رنگ ءَ ثابت بوتگ۔