سینیٹ ءِ چیئرمین سید یوسف رضا گیلانی ءَ گوشتگ کہ  من ءَ اُمیت انت کہ من سینیٹر سیف اللہ ابرو ءَ را وتی استعفیٰ ءِ پچ گرگ ءِ ھاترا دلجم کناں

اسلام آباد۔13نومبر  (اے پی پی): سینیٹ ءِ چیئرمین سید یوسف رضا گیلانی ءَ امیت درشان کتگ کہ آ سینیٹر سیف اللہ ابرو ءَ را وتی استعفیٰ ءِ پد کنگ ءِ ھاترا دلجم کنت۔ پنچ شمبے ءِ روچ ءَ پارلیمنٹ گس ءَ میڈیا ءَ گوں تران کنان ءَ یوسف رضا گیلانی ءَ گوشت کہ آئینی ترمیم پیسر ءَ چہ سینیٹ ءَ منظور کنگ بوتگ، ترمیم ءِ تہ ءَ ھما گہتری آرگ بوتگ کہ اپوزیشن ءَ لوٹ اتگ۔ سینیٹ ءِ چیئرمین ءَ گوشت کہ سیف اللہ ابرو ءِ نبشتھی استعفیٰ نہ اتکگ، وھدے آئی ءِ استعفیٰ کیت گڑا آ آئی ءَ را فون کنت ءُ استعفیٰ نہ دیگ ءِ سر ءَ دلجم کنت۔ زانگ بہ بیت کہ تحریک انصاف ءَ گوں سیادی داروکیں سیف اللہ ابرو ءَ سینیٹ ءَ 27می آئینی ترمیم ءِ حمایت ءَ ووٹ داتگ ات ءُ پدا سیشن ءَ گوں تران کنان ءَ وتی استعفیٰ ءِ جار جتگ ات۔