بیست ءُ ہفتمی آئینی ترمیم ءِ تہا درستیں بدلی سرجمیں شور ءُ سلاہ ءَ گوں کنگ بوتگ ان، بنجاھی وزیر اعظم نذیر تارڑ

اسلام آباد۔13نومبر  (اے پی پی): وفاقی وزیر کانود ءُ انصاف اعظم نظیر تارڑ ءَ 27می آئین ءِ ترمیم ءِ ھوالگ ءَ وضاحت دیان ءَ گوشت کہ اے ترمیم ءِ تہ ءَ ھچ وڑیں ردی نہ بوتگ بلے سرجمیں بدلی سرجمیں شور ءُ سلاھ ءَ گوں کنگ بوتگ اَنت۔ پنچ شمبے ءِ روچ ءَ ایوان ءِ بالا ءِ دیوان ءَ آئی ءَ گوشت کہ اے ترمیم ءِ وسیلگ ءَ پاکستان ءِ چیف جسٹس ءِ آئین ءِ جہت ھاسیں رنگ ءَ پدر کنگ بوتگ۔ اعظم نظیر تارڑ ءَ گشتگ کہ وانگ ءِ تہا لہتیں ردی بوت کنت بلے منظوری ءِ عمل ءَ اے وڑیں ردی نہ بوتگ۔ آئی ءَ گیش کرتگ کہ سوشل میڈیا ءِ سر ءَ گردش کنوکیں جتا جتائیں چیزانی سر ءَ تبصرہ کنگ نہ بیت پرچا کہ ایشی ءِ تہ ءَ باز براں قیاس آرائی ھوار اِنت۔ وفاقی کانود ءِ وزیر ءَ سینیٹ ءِ توامیں شرپداریں باسک ءُ ایوان ءِ کارندہ آنی شگر ءُ منت گپت ءُ گوشت کہ اے ترمیم ءِ آیوکیں روچ آنی تہ ءَ وتی دور رسیں اثرات بنت ءُ انصاف ءِ نظام ءَ گہتری ءِ سوب جوڑ بیت۔ اسلام آباد ءِ آمید گس ءِ تراک ءِ بابت ءَ گپ جنان ءَ آئی ءَ گشتگ اے وئیل ءَ دو درجن مزدور، پولیس ءِ کارندہ ءُ اے دگہ لس مہلوک شہید بوتگ انت۔ آئی ءَ جار جتگ کہ سرکار ءِ نیمگ ءَ اے شہید ءُ ٹپیگ آناں مالی کمک ءِ ھاسیں پیکج ءِ دیم دیگ بیت ۔ وفاقی کانود ءِ وزیر ءَ گیش گوشت کہ مزن وزیر ءِ پنت ءُ شون ءِ رد ءَ سری لنکا ءِ کرکٹ ٹیم ءِ پاکستان ءِ تر ءُ تاب ءِ وھد ءَ تہی کارانی وزیر ءَ غیر معمولی کرد پیلو کتگ ایشی ءِ آسر ءَ ٹیم ءَ وتی حکومت ءَ گوں شور ءُ سلاھ ءَ پد پاکستان ءَ وتی نندگ ءُ پاد آھگ برجاہ داشتگ۔