راجی اسمبلی ءِ اسپیکر سردار ایاز صادق ءَ جنوبی وزیرستان وانا کیڈٹ کالج ءِ سر ءَ ناشرکاری اُرش  ءَ را   مذمت کتگ

اسلام آباد۔13نومبر  (اے پی پی): راجی اسمبلی ءِ اسپیکر سردار ایاز صادق ءَ ساؤتھ وزیرستان وانا کیڈٹ کالج ءِ سر ءَ ناشرکاری اُرش ءِ سک باز مذمت کتگ ءُ اُرش ءِ ناکام کنگ ءِ پد ءَ سیکورٹی فورسز ءَ را شگر ءُ منت گپتگ۔ پنچ شمبے ءِ روچ ءَ وتی بیان ءِ تہ ءَ آئی ءَ گوشت کہ سیکورٹی فورسز ءَ وھد ءِ سر ءَ گامگیج زورگ ءَ چہ ناشرکار آنی منصوبگ ناکام کتگ اَنت۔ آئی ءَ سیکورٹی فورسز ءِ دلیری ءُ بہادری ءَ را سلام دات کہ آ خوارج ءَ جہنم ءَ روان داتگ انت ۔ قوم وتی دلیریں نیروی امنیتی آں سرا فخر کنت۔ آئی ءَ گوشت کہ پاکستان ءِ سیکورٹی فورسز ءَ یک رندے پدا اے گپ ثابت کتگ کہ آ وطن ءِ رکھینگ ءِ واستہ مدام ساڑی اَنت۔ پاکستانی مہلوک وتی سیکورٹی فورسز ءِ کش ءَ سرب ءِ دیوال ءِ رنگ ءَ اوشتاتگ۔ سیکورٹی فورسز ءِ آپریشن ھما وھد ءَ برجاہ مان انت داں ملک ءَ چہ ناشرکاری سرجمی ءَ ھلاس کنگ مہ بیت۔ فتنہ الخوارج ءُ فتنہ الهندستان ءِ حلاف ءَ سیکورٹی فورسز ءِ دلادی ءِ کارروائی ستا کرز انت۔ وطن ءِ رکھینگ ءِ واستہ سیکورٹی فورسز ءِ قربانی تاریخ ءَ زرین آباں گوں نبشتہ کنگ بنت۔