حالی ہشت آئینی ترمیم ءِ وھد ءِ لوٹ انت، پارٹی ءَ را حق است انت کہ آ وتی پالیسی ءِ خلاف ورزی کنوکیں باسک ءِ ھلاپ ءَ کارروائی بہ کنت، ایوان ءِ سروک

اسلام آباد۔13نومبر  (اے پی پی): ایوان بالا ءِ سروک نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ سینیٹر علی ظفر ءِ ذاتی رنگ ءَ سک باز احترام کناں ءُ آئی ءَ بازیں وھد ءَ چہ پارلیمنٹ ءَ وتی پت ءِ گوما کار کتگ۔ آئی ءَ گوشت کہ سینیٹر علی ظفر ءَ تحریک دہ اعتماد ءِ پیش کنگ ءِ وھد ءَ لھتیں دمان آنی تہ ءَ چون اسمبلی ہلاس کنگ بوتگ ۔ پنچ شمبے ءِ روچ ءَ سینیٹ ءِ دیوان ءَ وتی ھیالانی درشانی کنان ءَ سینیٹر اسحاق ڈار ءَ گوشت کہ آئین ءِ تہ ءَ بیست ھپتمی ترمیم ءِ تہ ءَ کمی آنی گیواری ءِ عمل جوانیں کشک ءَ گامگیج اِنت۔ آئی ءَ گوشت کہ گوستگیں ھشت آئین ءِ تہ ءَ ترمیم وھد ءِ ضلورت انت تانکہ پارلیمانی نظام گیش مھکم بہ بیت ءُ آئین ءِ روح ءِ رد ءَ پیسلہ کنگ بہ بنت۔ آئی ءَ اپوزیشن ءِ سر ءَ ایراد گپتگ ءُ گْوشتگ کہ وھدے پنجاب سرکار ءِ سر ءَ ایر کنگ ءِ گپ کیت گڑا آمید گس ءِ پیسلہ یات نہ بنت۔ آئی ءَ گوشت کہ اگاں کمیٹی ءِ تہ ءَ ھوار نہ بوھگ ءِ سبب لھتیں ”ریموٹ کنٹرول“ ءِ ھدایت بوتگ گڑا اے پارلیمانی روایات ءِ ھلاپ اِنت۔ آئین ءِ آرٹیکل 63 ءِ بابت ءَ درشان کنان ءَ سینیٹر اسحاق ڈار ءَ گوشت کہ اے وت ماں وت عمل نہ بیت۔ آئی ءَ گوشت کہ اگاں باسک ضمیر ءِ رد ءَ ووٹ بہ دنت گڑا آئی ءِ ووٹ شمار کنگ بیت، البت ایشی ءَ پد پارٹی ءَ را اے حق است کہ آ باسک ءِ پالیشی ءِ ھلاپ ورزی کنت آئی ءِ ھلاپ ءَ کارروائی بہ کنت۔ ایوان ءِ سروک ءَ اے گپ ءِ پدرائی کت کہ داں پارٹی نوٹس ءِ شنگ کنگ ءُ گوشدارگ ءِ موہ نہ دنت آ باسک وتی عہدہ ءَ برجاہ دار ایت۔