ایچ ای سی 20 جتا جتائیں اسکالرشپ اسکیم ءِ چیر دستی ءَ نودربر آناں میرٹ ءِ بنیاد ءَ درملک ءَ ہائیر ایجوکیشن ءِ موہ دیگ ءَ انت، بلوچستان ءُ چترال ءِ نودربر ھم اے آسراتی ءَ رسگ ءَ انت، وفاقی وزیر ڈاکٹر طارق فضل چوہدری

اسلام آباد۔13نومبر  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ پارلیمنٹ ءِ بالادستیں ایوان سینیٹ ءِ دیوان ءَ گوشت کہ ہائیر ایجوکیشن کمیشن ءِ نیمگ ءَ پاکستانی نودربر آنی میرٹ ءِ بنیاد ءَ درملک ءَ ہائیر ایجوکیشن ءِ موہ ھم دیگ بوھگ ءَ اِنت ءُ 20 میرٹ ءِ رد ءَ اسکالرشپ ءِ موہ دیگ بوھگ ءَ انت۔ پنچ شمبے ءِ روچ ءَ ایوان بالاد ءَ جست ءُ پرس ءِ ساھت ءَ ڈاکٹر طارق فضل چوہدری ءَ گوشت کہ بلوچستان ءُ چترال ءِ نودربر آناں ھم میرٹ ءِ رد ءَ اسکالرشپ ءِ موہ دیگ بوھگ ءَ انت۔ مسلم لیگ ن ءِ راہشون ءُ پیسریگیں مزن وزیر محمد نواز شریف ءِ دور ءَ چترال ءُ بلوچستان ءِ نودربر آنی واستہ ھاسیں اسکالرشپ پروگرام بندات کنگ بوتگ۔ آئی ءَ درائینتگ کہ دگہ ملک آنی نیمگ ءَ چہ آیوکیں درستیں اسکالرشپ اسکیم رجسٹریشن ءِ تناسب ءَ صوبہ آنی تہ ءَ بھر ءُ بانگ کنگ بنت تانکہ ہر صوبہ ءِ نودربر آناں یک وڑیں موہ دیگ بہ بنت، البت لھتیں اسکیم آنی تہ ءَ نودربر آنی وھد ءِ سر ءَ ویزہ نہ زورگ ءِ سبب ءَ یا دگہ جیڈھ آنی سبب ءَ سیٹ ھالیگ بنت۔ آئی ءَ گوشت کہ حکومت ءُ ایچ ای سی اے گپ ءِ واستہ گامگیج کنگ ءَ انت کہ درستیں نودربراں میرٹ ءِ بنیاد ءَ وانگ ءُ زانگ ءِ موہ رس ایت ءُ ھچ سیٹ گار ءُ بیگواہ نہ بیت۔