انفارمیشن ٹیکنالوجی ءُ ٹیلی کمیونیکیشن ءِ وفاقی وزیر ءَ گشتگ کہ دہ سالی ڈیجیٹل روڈ میپ ڈیجیٹل بنیادانی سرا معیشت ءِ جوڑ کنگ ءِ تہا جوانیں بن ھشت ءِ سہرا  بیت

اسلام آباد۔13نومبر  (اے پی پی): انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ گوشت کہ 10سالی ڈیجیٹل روڈ میپ ڈیجیٹل بنیات آنی سر ءَ معیشت ءِ جوڑ کنگ ءِ تہ ءَ سنگ میل ءِ رنگ ءَ ثابت بیت۔ آئی ءَ اے ھیالانی درشانی پنچ شمبے ءِ روچ ءَ پاکستان ءِ 10سالی ڈیجیٹل روڈ میپ ءِ پدر کنگ ءِ مراگش ءَ گوں تران کنان ءَ کت۔ آئی ءَ گوشت کہ ڈیجیٹل روڈ میپ ءَ چہ کاروبار، وانگ ءُ زانگ، جان سلامتی ءُ سرکاری آسراتی آنی تہ ءَ آشوبی گہتری آرگ بیت۔ آئی ءَ گوشت کہ ڈیجیٹل روڈ میپ ءِ سر ءَ ترندی ءَ گوں کار بوھگ ءَ اِنت، ءُ ما ورنا آناں ٹیکنالوجی ءِ تہ ءَ جھان ءِ درجگ ءِ موہ پجارینگ ءِ واستہ جزم آں۔ شزہ فاطمہ خواجہ ءَ گوشت کہ پاکستان ءِ آئی ٹی شوبگ ءَ گوں ترندی ءَ دیمروئی کنگ ءَ انت، پاکستان ءَ را ڈیجیٹل جوڑ کنگ ءَ مزن وزیر محمد شہباز شریف ءِ ھاسیں کرد انت، ای گورننس، آرٹیفیشل انٹیلی جنس ءُ ڈیٹا سیکورٹی ءِ سر ءَ ھاسیں دلگوشی دیگ بوھگ ءَ انت۔ آئی ءَ گوشت کہ فری لانسنگ ءِ وسیلگ ءَ ما ورنا آناں روزگار ءِ موہ پجاری کنگ ءَ آں، نوکیں ٹیکنالوجی راجی دیمروئی ءُ شفاف گورننس ءِ مستریں استون اِنت، مئے مول ءُ مراد ورنا آناں ہنرمند جوڑ کنان ءَ گلوبل ڈیجیٹل اکانومی ءِ بھر جوڑ کنگ اِنت، نیشنل ڈیجیٹل کونسل ءِ پلیٹ فارم ءَ چہ ورنا آناں جتا جتائیں موہ پجاری بنت۔ شزہ فاطمہ خواجہ ءَ گوشت کہ دہ سالی ڈیجیٹل روڈ میپ ڈیجیٹل بنیات آنی سر ءَ معیشت جوڑ کنگ ءَ سنگ میل ءِ رنگ ءَ ثابت بیت، ڈیجیٹل روڈ میپ کاروبار، وانگ ءُ زانگ، جان سلامتی ءُ السی ازمت آنی تہ ءَ آشوبی گہتری آرگ ءَ انت۔