صدر آصف علی زرداری ءَ بین پارلیمانی اسپیکر کانفرنس ءِ نمائندہ آنی شرپ ءَ شپ ءِ ورگ ءِ میزبانی کت

اسلام آباد۔ 12 نومبر (اے پی پی): صدر ءِ مملکت آصف علی زرداری ءَ صدارتی ایوان ءَ بین پارلیمانی اسپیکر کانفرنس 2025 ءِ نمائندگ آنی شرپ ءَ شپ ءِ ورگ ءِ میزبانی کت، ایشی ءِ تہ ءَ چیئرمین سینیٹ سید یوسف رضا گیلانی، اسپیکر راجی اسمبلی سردار ایاز صادق، نائب مزن وزیر اسحاق ڈار ءُ بنجاجی وزیر، پارلیمانی نماھندگ ءُ 40 ءَ چہ گیش ملکانی اسپیکر۔ صدر ءِ مملکت ءَ شریکیں مردم آناں وش اتک کت ءُُ انٹر پارلیمانی اسپیکر کانفرنس ءَ بھر زوری ءِ سر ءَ وشی ءِ درشان کت ءُ گوشت کہ کانفرنس ءَ چہ پارلیمانی سفارتکاری ءِ جزبگ ءَ را گیش مھکم کتگ۔ صدر ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت آصف علی زرداری ءَ گوشت کہ گوستگیں دو روچ آنی تہ ءَ سرجمیں دگنیا ءِ پارلیمانی سروک آں امن ءُ دیمروئی ءِ دیمروئی ءِ واستہ جوانیں گپ ءُُ تران کتگ، ایشی ءَ را وش اتک کنگ بیت۔ آئی ءَ گوشت کہ استیں معاشی، چاگردی ءُ ایمنی ءِ جیڈھ آناں یکجائی کوشست ءِ وسیلگ ءَ گیش ءُ گیوار کنگ بوت کنت۔ اے موہ ءِ سر ءَ آئی ءَ چیئرمین سینیٹ یوسف رضا گیلانی ءِ سروکی ءُُ وژن ساڑات ءُُ گوشت کہ بین الاقوامی اسپیکر کانفرنس ءَ کمک ءُُ دوستی ءِ نوکیں راہ پچ کتگ انت۔ سینیٹ ءِ چیئرمین یوسف رضا گیلانی ءَ صدر ءِ مملکت ءِ شگر ءُُ منت گپت ءُُ پارلیمانی سفارتکاری ءَ را دیمروئی دیگ ءَ آئی ءِ کرد ءَ را ساڑات۔ آئی ئَ گوشت کہ کانفرنس ءِ امن ءُ دیمروئی ءَ یکجائی وژن ءَ را دیم ءَ برتگ، وھدیکہ اسلام آباد اعلامیہ ءَ امن ءُ برجائی ءِ یک سرجمیں روڈ میپ ءِ پجاری کنگ بوتگ۔