راجی اسمبلی ءَ بیست ءُ ھپتمی آئین ءِ ترمیم ءَ گوں لھتیں ترمیم ءِ منظوری دات

اسلام آباد۔ 12 نومبر (اے پی پی): راجی اسمبلی ءَ 27می آئین ءِ ترمیم ءَ گوں لھتیں ترمیم ءَ دو تہائی اکثریت ءِ گوما منظوری داتگ۔ چار شمبے ءِ روچ ءَ راجی اسمبلی ءِ اسپیکر سردار ایاز صادق ءَ راجی اسمبلی ءَ تحریک پیش کتگ کہ چار شمبے ءِ روچ ءَ پیش کتگیں 27می ترمیم سینیٹ ءِ نیمگ ءَ منظور کنگ بہ بیت گڈا ترمیم ءِ سر ءَ زوت ھیال ءُُ لیکہ کنگ بہ بیت۔ 231 باسکاں تحریک ءِ حق ءَ ووٹ داتگ ءُ 4 باسکاں مخالفت کتگ۔ ایشی ءَ چہ پیسر وفاقی کانود ءِ وزیر اعظم نظیر تراڑ ءَ گوستگیں روچ ءَ 27می ترمیم ءِ سر ءَ ھیال ءُُ لیکہ کنگ ءِ تحریک پیش کتگ ات کہ اگاں سینیٹ ءَ منظور کنگ بہ بیت گڈا ایشی ءِ سر ءَ ایوان ءَ گپ ءُ تران کنگ بوتگ۔ ایشی ءَ چہ پد وزیر کانود اعظم نظیر تراڑ ءَ بیست ءُ ھپتمی ترمیم بل ءِ تہ ءَ لھتیں ترمیم پیش کتگ اَنت۔ آئی ءَ آرٹیکل 6 ءِ تہا ترمیم ءِ تجویز پیش کتگ ات کہ ایوان ءَ ایشی ءِ منظوری داتگ ات۔ وزیر قانون ءَ نوکیں شق 2 اے پیش کتگ کہ ایشی ءِ رد ءَ آرٹیکل 10 ءَ ترمیم کنگ بوتگ۔ ایوان ءَ دو تہائی اکثریت ءَ گوں ھم منظور کتگ۔ وزیر ءِ کانود ءَ شق 23 ءِ تہا ترمیم ءِ تجویز پیش کتگ کہ پاکستان ءِ استیں چیف جسٹس وتی مدت ءِ تہا پاکستان ءِ چیف جسٹس بہ بیت۔ شق ءِ رد ءَ منظوری ءِ وھد ءَ 233 باسکاں شق آنی حق ءَ ووٹ داتگ ءُ 4 باسکاں ایشی ءِ ھلاپ ءَ ووٹ داتگ۔ اهل سنت اتحاد کونسل ءُ آزاد اپوزیشن ءِ باسکاں ایوان ءَ چہ واک آؤٹ کتگ ءُ ووٹنگ ءَ بہر نہ زرتگ۔ شق ءِ رد ءَ منظوری ءَ پد وزیر کانود اعظم نظیر ترار ءَ بل منظوری ءِ واستہ پیش کتگ ات کہ ایشی ءِ منظوری ءِ واستہ 234 ووٹ ءُ ھلاپ ءِ ووٹ رستگ ات۔ چوش کہ ایوان ءَ دو تہائی اکثریت ءَ گوں منظور کتگ۔ بل ءِ حق ءَ 233 ووٹ رستگ انت۔ اے ترمیم ءَ چہ پد جتاھیں آئینی آمید گس جوڑ کنگ بیت کہ ایشی ءِ واستہ عدالتی ءُ آئینی معاملہ آنی گوشدارگ بیت۔ آرٹیکل 243 ءَ ترمیم کنگ بوتگ کہ ایشی ءِ تہ ءَ زندمان ءِ واستہ فیلڈ مارشل ءِ عہدہ ءُُ سئے سلاہ بندیں اُرد آنی سروک ءِ واستہ چیف آف ڈیفنس فورسز ءِ عہدہ جوڑ کنگ بوتگ کہ ایشی ءَ را مزن وزیر ءِ پنت ءُُ شون ءِ سر ءَ صدر ءِ نیمگ ءَ ایر کنگ بیت وھدیکہ چیئرمین جوائنٹ چیفس آف اسٹاف کمیٹی ءِ عہدہ چیئرمین ءِ چیئرمین ءِ دست ءَ بیت۔ ایشی ءِ وھد 27نومبر 2025 ءَ ھلاس بیت۔آرٹیکل 243 ءِ ترمیم ءِ رد ءَ مزن وزیر دفاعی اُرد ءِ سروک ءِ سفارش ءِ سر ءَ راجی اسٹریٹجک کمانڈ ءِ کمانڈر ءِ گچین کنت۔ ترمیم ءِ رد ءَ سو موٹو نوٹس ءِ طاقت ھلاس کنگ بوتگ۔ اے ترمیم ءِ رد ءَ ہائی کورٹ ءِ جج نوں یک ہائی کورٹ ءَ چہ دومی ہائی کورٹ ءَ دیم دیگ بوت کن اَنت۔ ویں ترمیم ءِ تہا کل 59 شق ھوار انت۔ صدر چہ کار ءَ ریٹائر بوھگ ءَ پد استثنیٰ بیت بلے اگاں آ پدا ھرچ سرکاری کارے ءَ بہ زوریت گڑا آئی ءِ استثنیٰ ھلاس بیت۔ آرٹیکل 209 ءِ ترمیم ءِ رد ءَ سپریم جوڈیشل کونسل ءِ جوڑشت انچوش بیت کہ وفاقی آئینی آمید گس ءِ چیف جسٹس، پاکستان ءِ سپریم کورٹ ءِ چیف جسٹس، دوئیں آمید گس آنی تہ ءَ یک یک سینئر ترین جج، یک جج ءِ نامزد کنگ بیت کہ وفاقی آئینی آمید گس ءِ چیف جسٹس ءُ دو سال ءِ واستہ سپریم جوڈیشل کونسل ءِ چیف جسٹس ءُ سینئر ہائی کورٹز ءَ چہ بوتگ۔ سپریم کورٹ ءِ چیف جسٹس ءُُ وفاقی آئینی آمید گس ءِ سینئر شورا ءِ سروک بیت۔ آرٹیکل 206 ءِ ترمیم ءِ رد ءَ ہائی کورٹ ءِ ھرچ جج کہ وفاقی آئینی آمید گس یا پاکستان ءِ سپریم کورٹ ءَ جج ءِ بستار ءَ گچین کنگ ءَ چہ انکار کنت یا سپریم کورٹ ءِ ھرچ جج کہ وفاقی آئینی آمید گس ءَ گچین کنگ ءَ نہ من ایت آ چہ کار ءَ ریٹائرڈ زانگ بیت۔ آرٹیکل 239 ءِ ترمیم ءِ رد ءَ آئینی ترمیم ءِ سر ءَ ھچ آمید گس ءَ جُست ءُ پُرس کنگ نہ بیت۔ آرٹیکل 260 ءِ ترمیم ءِ رد ءَ نوکیں آرٹیکل 260A ءِ رد ءَ سپریم کورٹ ءُ وفاقی آئینی آمید گس ءِ اولی مدت ءَ پد دوئیں آمید گس آنی تہ ءَ سینئر ترین جج ءَ را پاکستان ءِ چیف جسٹس گشگ بیت۔ شق ءِ رد ءَ منظوری ءَ پد اسپیکر ءَ بل ءِ منظوری ءِ کارروائی ءِ بابت ءَ سرپد کت۔ اے گپ ءَ پد 5 منٹ ءَ گھنٹی ءِ توار کنگ بوت۔ ویں ترمیم ءِ حق ءَ ووٹ داتگیں باسک اسپیکر ءِ دائیں نیمگ ءِ گیلریاں شتگ انت ءُُ آئی ءِ ھلاپ ءَ ووٹ داتگیں باسک چپیں نیمگ ءِ گیلری ءَ شتگ انت۔ آرٹیکل 175 ءِ رد ءَ وفاقی آئینی آمید گس جوڑ کنگ بیت کہ ایشی ءِ تہ ءَ درستیں صوبہ آنی قاضی آنی یک پیمیں نمائندگی بیت ءُُ کم چہ کم یک قاضی اسلام آباد ہائی کورٹ ءِ بیت۔ اے چہ زورگ بیت۔ قاضیانی گچین کنگ ءِ ھاترا المی اِنت کہ آ سپریم کورٹ ءِ قاضی بہ بنت یا بوتگ اَنت، 5 سال ءَ ہائی کورٹ ءَ قاضی ءِ بستار ءَ کار کتگ ءُ ہائی کورٹ یا سپریم کورٹ ءَ وکیل ءِ بستار ءَ 20 سال ءِ تجربہ بہ بیت۔ وفاقی آئینی آمید گس ءِ چیف جسٹس ءِ سوگند صدر ءِ نیمگ ءَ چہ کنگ بیت وھدے کہ باسکیں جج آنی سوگند وفاقی آئینی آمید گس ءِ چیف جسٹس ءِ نیمگ ءَ چہ کنگ بیت۔ آئین ءِ آرٹیکل 199 ءِ رد ءَ تاں اے ترمیم ءِ منظوری ءَ سرجمیں درخواست، اپیل، اے آرٹیکل ءِ رد ءَ منظور بوتگیں پرمانانی سر ءَ چار ءُ تپاسی ءِ درخواست ءُ مہتل کنگ ءِ درخواست وفاقی آئینی آمید گس ءَ دیم دیگ بنت۔ وفاقی آئینی آمید گس ءِ قاضی آنی عمر ءِ حد 68 سال ءِ سرا ٹھینگ بوتگ۔