ناشرکاری دنیا ءِ ھاترا یک مزنیں ھترہ یے، ایشی ءِ ھلاس کنگ ءِ ھاترا نہ ایوک ءَ سیکورٹی گامگیج بلکیں پارلیمانی کمک، مالی نگرانی ءُ اجتماعی سیاسی عزم ءِ ھم لوٹ اِنت، بین پارلیمانی اسپیکر کانفرنس ءِ یک رند ءَ جار

اسلام آباد۔ 12 نومبر (اے پی پی): بین پارلیمانی اسپیکر کانفرنس ءِ یکوئی جار ءَ گوشت کہ ناشرکاری دگنیا ءِ واستہ یک مزنیں ھترہ ءِ بستار ءَ ھست اِنت ءُُ ایشی ءِ ھلاسی ءِ واستہ نہ ایوک ءَ سیکورٹی گامگیج بلکیں پارلیمانی کمک، مالی نگرانی ءُُ اجتماعی سیاسی عزم ءِ ھم ضلورت اِنت۔ چار شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ دو روچی انٹر پارلیمانی اسپیکر کانفرنس آسر بوتگ وھدیکہ اسلام آباد ءِ اعلامیہ تپاکی ءَ گوں منظور کنگ بوتگ۔ چیئرمین سینیٹ ءُ بانی چیئرمین سینٹ سید یوسف رضا گیلانی ءَ ناشرکاری ءَ را مزنیں چیلنج لیک اتگ۔ بین پارلیمانی اسپیکر کانفرنس ءِ گڈی دیوان ءَ گوں تران کنان ءَ سینیٹ ءِ چیئرمین سید یوسف رضا گیلانی ءَ گوشت کہ ناشرکاری دگنیا ءِ واستہ یک مزنیں ھترہ ءِ رنگ ءَ مانیت ءُ ایشی ءِ ھلاسی ءِ واستہ نہ ایوک ءَ سیکورٹی گامگیج بلکینگ ءَ پارلیمانی کمک، مالی نگرانی ءُ اجتماعی سیاسی ھم لوٹ اِنت۔ گوستگیں روچاں اسلام آباد ءُ وانا ءَ بوتگیں ناشرکاری اُرش آں مذمت کتگ ۔ چیئرمین سینیٹ ءَ ’’یکجائی حکمت عملی، وت مہ وتی کمک ءُُ ہمگامیں جھان ءِ کمک‘‘ ءِ ضلورت ءِ سر ءَ ھم زور پر دات ءُُ گوشت کہ ناشرکاری ءِ ھلاپ ءَ جنگ ءَ پاکستان ءِ مزنیں قربانی قابل ذکر اِنت، پاکستان ءَ ناشرکاری ءِ ھلاپ ءَ جنگ ءَ مزنیں قربانی داتگ ءُ ’’ناشرکار آناں ھچ وڑیں مذھب نیست، آ انسانیت ءِ دژمن اَنت‘‘۔ سید یوسف رضا گیلانی ءَ پاکستان ءِ ’’عالمی امن، استحکام ءُُ گپ ءُُ تران‘‘ ءِ عزم ءِ نوک کتگ ءُُ پارلیمنٹ آنی کرد ءَ را وت مہ وتی زانت ءُُ کمک ءِ دیمروئی ءِ تہ ءَ مرکزی لیک اتگ۔ موسمیاتی بدلی ءِ جھان ءِ چیلنج ءَ را پدر کنان ءَ چیئرمین سینیٹ ءَ اے گپ ءِ سر ءَ زور پر دات کہ موسمیاتی بدلی ءِ ترندیں رفتار انسانی بقا ءِ واستہ یک راستیں ھترہ یے ۔ آئی ءَ ناشرکاری، انتہا پسندی، موسمی بدلی ءُ انسانی بحران ءِ وڑیں استیں جھان ءِ چیلنج آنی گیواری ءِ واستہ یک اجتماعی جھان ءِ حکمت عملی ءِ لوٹ کتگ۔ آئی ءَ پارلیمنٹ آنی کرد ءَ را ھاسیں ءُُ کلیدی لیک اتگ۔ کانفرنس ءِ گڈی دیوان ءِ ساھت ءَ چیئرمین سینیٹ ءَ اسلام آباد ءِ اعلامیہ ھم پیش کت کہ ایشی ءَ را تپاکی ءَ گوں منظور کنگ بوت۔ اعلامیہ ءِ ھاسیں نکات چوش اَنت۔ کانفرنس ءِ گڈسرا اسلام آباد ءِ اعلامیہ یک رند ءَ منظور کنگ بوت کہ ایشی ءِ تہا سرجمیں دنیا ءِ پارلیمنٹانی اسپیکراں اقوام متحدہ ءِ منشور ءُُ میاں اوستمانی کانود ءِ منگ بوتگیں اصولانی رد ءَ امن، ایمنی ءُُ شمولیت ءِ دیمروئی ءِ مفہوم ءِ سرا وتی بے مٹیں عزم ءِ دوبر پدر کت۔ شریکاں اے گپ من اِت کہ مرچیگیں دگنیا پیچیدہ ءُ تیزی ءَ بدل بوھوکیں جاوراں گوں دوچار اِنت۔ آہاں وتی اے باور ءِ درشانی کت کہ پارلیمنٹ گپ ءُُ تران، قانون سازی ءِ نوکیں لیکہ، میاں اوستمانی ہمگرنچی ءُُ پارلیمانی سفارتکاری ءِ وسیلگ ءَ اے جیڈھ آنی گیواری ءِ تہ ءَ کلیدی کرد پیلو کنت۔ آہاں اے گپ من اِت کہ یکے دومی ءَ گوں سیادی داروکیں جھان ءِ چیلنج آنی گیواری ءِ واستہ مشترکہ موہ ءَ را چست کنگ ءُُ الس ءِ دیمروئی ءِ ھاترا اجتماعی پارلیمانی کارروائی المی اِنت۔ اسلام آباد ءِ اعلامیہ ءَ بین پارلیمانی اسپیکرز کانفرنس ءُ پارلیمانی سفارتکاری ءِ مینڈیٹ ءِ دوبر پدر کنگ بوتگ، ایشی ءِ تہ ءَ بھر زوروکاں آئی ایس سی ءَ را بامردیں پارلیمانی گپ ءُ تران، تبادلہ ءُ پارلیمانی باسک آنی صلاحیت سازی ءِ واستہ یک ھاسیں پلیٹ فارم ءِ رنگ ءَ من اِتگ ءُ 2018 ءِ بین پارلیمانی تعاون ءَ را گیش مھکم کنگ ءِ فیصلہ کتگ۔ مشترکہ کمیٹی، پارلیمانی کاکس، ورنائیں پارلیمنٹرین آنی ھاسیں فورم، ادارہ جاتی شریکداری ءُُ یکے دومی ءِ سر ءَ بھروسہ ءِ دیمروئی۔ آئی ایس سی ءَ را یک موثر فورم ءِ رنگ ءَ مھکم کنگ ءِ واھشت ءِ درشانی کت کہ ایشی ءِ تہ ءَ پارلیمنٹرین پائیدار دیمروئی، جیڈھ آنی گیواری، موسمی بدلی ءِ ھلاپ ءَ جنگ، آپ، وردن ءُ جان سلامتی ءِ رکھینگ ءِ جیڈھ آنی سر ءَ تجربگ ءِ تبادلہ کت کن اَنت ءُُ جیڈھ آناں گیواری ءُ مھکم کنگ ءِ تہ ءَ پارلیمانی سفارتکاری ءِ کرد ءِ سر ءَ زور پر دات۔ اعلامیہ ءَ اے گپ ءِ منگ بوتگ کہ پائیداریں دیمروئی ءِ ھاتر ءَ دائمی امن ءِ ھست نہ اِنت ءُُ امن ءِ ھاتر ءَ انصاف، مساوات ءُُ ھواریں چاگردی ءُُ اقتصادی دیمروئی ءِ ھست نہ اِنت۔ اے اعلامیہ ءَ میاں اوستمانی کانود ءِ رھبندانی رد ءَ عمل کنگ، انسانی ھک آنی دیمروئی ءُُ راج آنی جائزیں ھک آنی رکھینگ ءِ تہ ءَ پارلیمنٹ آنی کلیدی کرد ءِ پدا پدر کنگ بوتگ۔ اعلامیہ ءَ پارلیمانی گامگیج آنی ھم حمایت کتگ کہ آ یک نیمگی کارروائی ءُ جیڈھ آنی سر ءَ دیریں جیڈھ آناں پرامن گیواری، کانود ءِ حاکمیت ءُ گپ ءُ تران، مصالحت ءُُ شریکداری ءَ را اولیت دنت۔ یکجائی اعلامیہ ءِ تہ ءَ اعتماد ءِ جوڑ کنگ، سیاسی ءُُ دود ءُُ ربیدگی فرق آناں پُل کنگ ءُُ جیڈھ آنی تہ ءَ کمی ءِ واستہ موثر بنیات آنی جوڑ کنگ ءِ واستہ مفاہمت، کثیر جہتی ءُ فعال پارلیمانی سفارتکاری ءِ دیمروئی ءِ لوٹ کنگ بوتگ۔ اے پارلیمنٹ آناں ھم ترغیب دات کہ آ اجماع ءِ سر ءَ بنیات ءُُ پائیداریں دیمروئی ءِ سر ءَ بنیات ءَ کمک ءَ را دیم ءَ برگ ءَ انت تانکہ گریبی، موسمیاتی بدلی ءُُ دمگی جیڑھ آنی وڑیں بے رھبندیں سبب آناں گیش ءُُ گیوار کنگ بہ بیت، تانکہ یک مھکم ءُُ یکے دومی ءِ احترام ءِ جھان ءِ چاگرد ءِ جوڑ کنگ بہ بیت۔ اعلامیہ ءِ تہ ءَ 2030ءِ برجمیں دیمروئی ءِ مول ءُ مراد آنی رد ءَ راجی ءُ دمگی ایجنڈا آنی جوڑ کنگ ءُ نفاذ ءِ سر ءَ پارلیمانی نگرانی ءَ را دل یکیمی کنگ ءِ وعدہ کنگ بوتگ۔ شریکاں وعدہ کت کہ آ نزور ءُ حاشیہ ءِ سرا نشتگیں گلاں ، ھاسیں رنگ ءَ زالبول ، ورنا ، معذوریں مردماں ، ءُُ حاشیہ ءِ سرا نشتگیں دمگاں نندوکیں مردماں ، چاگردی ءُ معاشی رد ءَ ، توانائی ءِ ھاتر ءَ قانون سازی ءِ عمل ءَ را مھکم کنگ ءِ وعدہ کت ءُ دیمروئی ءِ ایجنڈا ءِ حمایت ءَ کنت کہ آ آؤکیں وھد ءِ سرا مبنی ، شمولیت ، تابکار ءُُ دیمروئی ءِ ھاتر ءَ وتی رسائی ءِ ھاتر ءَ دیم ءَ برگ ءَ انت۔ اعلامیہ ئَ ڈیجیٹل فرق ئَ را ھلاس کنگ ءُ. ای سروسز ءِ پھجارینگ ءِ تہ ءَ نوکیں چیز جوڑ کنگ ءِ واستہ ٹیکنالوجی ءِ کارمرد کنگ ءِ دیمروئی ءِ سر ءَ زور دیگ بوتگ وھدے کہ ای پارلیمنٹ پلیٹ فارم آناں ھم کمک کنگ بوتگ تانکہ شہری آنی گوما براہ راست ءُُ شفافیں ھوار بوھگ ءِ ھاترا ھم کمک کنگ بوتگ ءُ ھمے رنگ ءَ مصنوعی ذہانت ءِ کارمرد کنگ ءُُ بنیاتی انسانی ھک آنی احترام ءَ را دل یکیمی کنگ ءِ واستہ جوانیں گورننس فریم ورک ءِ ھم کمک کنگ بوتگ۔ شریک داروکاں پارلیمنٹ آنی تہ ءَ ادارگی صلاحیت سازی ءَ را ھم اولیت داتگ تانکہ قانون ساز نگرانی ءُ کمیٹی آناں ھوار کاکس آناں مھکم کنگ بہ بیت۔ اعلامیہ ءِ تہا ناشرکاری، انتہا پسندی، موسمیاتی بدلی، وردن ءُ وراک ءُ آپ ءِ کمی، گریبی، وبا، سائبر سیکورٹی، نفرت ءِ گپ، بیگانہ ءِ ھلاپ ءَ ءُ اسلام ءِ ھلاپ ءَ اجتماعی کارروائی، کثیر جہتی کمک ءُ گپ ءُ تران ءِ وسیلگ ءَ جہانی چیلنج آناں گیش ءُ گیوار کنگ ءِ ارزشت ءِ منگ بوتگ ءُ ھمے رنگ ءَ مھکمیں دیمروئی ءِ کشک ءَ کپتگ۔ جار ءِ تہ ءَ سائنس، پٹ ءُُ پول ءُُ نوآبادیاتی ءِ تہ ءَ برجاھیں سرمایہ کاری ءَ را گیش کنگ ءِ واستہ وتی عزم ءِ ھم درشان کنگ بوتگ تانکہ یک انچیں چاگرد ءِ جوڑ کنگ بہ بیت کہ آ انوگیں ءُ آیوکیں بحران آنی دیم ءَ اوشتات کنت۔ شریکیں مردماں دمگی ڈھانچہ ءُُ رابطہ کاری ءِ منصوبگ آنی دیمروئی ءِ جامع، شفاف ءُ دوئیں نیمگ ءَ چہ منصوبگ آنی دیمروئی ءِ ھم لوٹ کتگ کہ ایشی ءَ چہ دمگی یکوئی، مردم آنی نیام ءَ مردم آنی تبادلہ ءُ مشترکہ وشھالی ءَ را مھکم کنگ بہ بیت۔ آہاں راجی پارلیمنٹ آناں زور پر دات کہ آ یکے دومی ءِ سر ءَ بھروسہ ءِ سر ءَ بنیات ءِ سر ءَ گامگیج ءُُ کمک ءِ دیمروئی ءِ تہ ءَ کرد پیلو بہ کن اَنت تانکہ جیڈھ آناں کم کنگ ءُ دائمی استحکام ءِ دیمروئی ءِ تہ ءَ کرد پیلو بہ کن اَنت۔ اعلامیہ ءِ گڈسرا اے جزم ءِ درشان کنگ بوت کہ پارلیمنٹ دیم ءَ سروکیں کرد ءَ پیلو کنت ءُ ما اقوام متحدہ ءِ منشور ءُُ انسانی حقانی جہانی اعلامیہ ءِ تہا ھواریں اصولانی رد ءَ رہشونی کنگ ءَ برجاہ داریں۔ شریکیں مردماں امن، ایمنی ءُ پائیدار دیمروئی ءِ وسیلگ ءَ یک انچیں نظام ءِ جوڑ کنگ ءِ وتی اجتماعی ذمہ واری ءِ پدا زور دات کہ آ عادلانہ، شمولیت ءُُ درست آنی واستہ وشھالی ءِ ھاترا سازگار بہ بیت۔