فلپائن ءِ پیسریگیں صدر ءُ پارلیمنٹ ءِ باسک گلوریا مکپاگال ءَ صدر آصف علی زرداری ءَ گوں گند ءُ نند کتگ

اسلام آباد۔ 12 نومبر (اے پی پی): فلپائن ءِ پیسریگیں صدر ءُ پارلیمنٹ ءِ باسک گلوریا مکپاگال ءَ صدر آصف علی زرداری ءَ گوں صدارتی ایوان ءَ گند ءُ نند کت۔ چار شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ صدر ءِ مملکت ءَ گوشت کہ پاکستان ءُ فلپائن ءِ نیام ءَ ھپتاد سالی دوستی ءُ کمک ءِ سیادی ءَ گوں بندوک انت۔ آئی ءَ 2022 ءِ دفاعی کمک ءِ معاہدہ ءَ را سنگ میل ءِ رنگ ءَ گشتگ ءُ 2026 ءَ آسیان ءِ چیئرمین شپ ءِ زمہ واری ءِ سر ءَ فلپائن ءَ را مبارک بات داتگ۔صدر ءَ پاکستان ءِ آسیان ءِ تہ ءَ ھوار بوھگ ءِ ھاتر ءَ فلپائن ءِ کمک ءِ توسیپ کتگ ءُُ گوستگیں فلپائن ءِ تہ ءَ جانی ءُُ مال ءِ تاوان ءِ سر ءَ ھمدردی ءِ درشانی کتگ۔ اے گرانیں وھد ءَ فلپائن ءِ راج ءِ ھمراھی ءَ اوشتاتگ۔ صدر ءِ مملکت ءَ چاگرد ءُُ تاوان ءُ تاوان ءِ فنڈ ءِ جوڑ کنگ ءَ فلپائن ءِ کرد ءَ را ساڑات ءُ وردن ءُ دوائی ءِ شوبگ ءَ تجارتی سیادی ءَ را گیش کنگ ءِ سر ءَ زور پر دات۔ صدر آصف علی زرداری ءَ گوشت کہ جندی شوبگ ءِ نیام ءَ کمک ءَ را گیش کنگ ءِ ضلورت انت۔ آئی ءَ فلپائن ءِ پاکستانی آناں دراجیں مدت ءِ نندگ ءِ اجازت نامہ دیگ ءِ پیسلہ ءِ توسیپ کت۔ اے موہ ءِ سر ءَ گلوریا مکاپاگل ءَ پاکستان ءِ گوما بیپاری، دفاعی ءُُ مردم آنی نیام ءَ رابطہ آنی تہ ءَ کمک ءَ را گیش کنگ ءِ جزم ءِ درشان کت۔ آئی ءَ پاکستان ءَ ناشرکاری اُرش آنی تہ ءَ جانی تاوان ءِ سر ءَ دلپدردی ءِ درشان کتگ۔ گلوریا مکاپاگل ءَ گوشت کہ آئی ءِ پت ءَ 1959 ءَ فلپائن ءِ صدر ءِ بستار ءَ پاکستان ءِ تر ءُُ تاب کتگ ات، آئی ءَ گوشت کہ پاکستان ءُُ فلپائن ءِ نیام ءَ احترام ءُُ دوستی ءِ دیریں سیادی است انت۔ آئی ءَ گوشت کہ پاکستان دگنیا ءِ پنچمی مزنیں ملک ءِ بستار ءَ گلوبل ساؤتھ ءِ تہ ءَ سروکیں کرد ءَ پیلو کنت۔ دیوان ءِ تہا فلپائن ءِ سفیر ایمانوئل فرنانڈیز ہم ساڑی ات، وھدیکہ سینیٹ ءِ چیئرمین سید یوسف رضا گیلانی، سینیٹر شیری رحمان ءُ سینیٹر سلیم مانڈوی والا ءَ ہم گند ءُ نند ءَ بہر زرتگ ات۔