آرمی چیف فیلڈ مارشل عاصم منیر ءَ کیڈٹ کالج وانا ءَ آپریشن ءِ سرا ھمک ساھت  نگرانی کتگ ات، راج ءِ اے بن ھشت ایر کنوک مئے دارالحکومت انت، آہاں ہچ وڑیں تاوان مہ رسیت، فیلڈ مارشل عاصم منیر ءَ پنت ءُ شون

اسلام آباد ۔12نومبر  (اے پی پی): آرمی اسٹاف ءِ سروک فیلڈ مارشل عاصم منیر ءَ کیڈٹ کالج وانا ءَ آپریشن ءِ سر ءَ نزیکیں نگرانی کتگ، فیلڈ مارشل عاصم منیر ءَ پنت ءُ شون کتگ کہ راج ءِ اے بن ھشت ایر کنوک مئے دارالحکومت اَنت، آہاں ہچ وڑیں تاوان مہ رسیت۔ وسیلگ ءِ رد ءَ کیڈٹ کالج وانا ءِ استاد ءُ کیڈٹ آنی حوصلہ سک باز اِنت ءُ آہاں ناشرکاری ءِ ھلاپ ءَ لیڈ وال ءِ جوڑ کنگ ءِ جزم ءِ درشان کتگ وھدے کہ چیف آف آرمی اسٹاف فیلڈ مارشل عاصم منیر ءَ آپریشن ءِ سر ءَ نزیکیں نگرانی کتگ۔ فیلڈ مارشل عاصم منیر ءَ پنت ءُ شون کت کہ راج ءِ اے بن ھشت ایر کنوک مئے دارالحکومت اَنت، ءُ ہچ وڑیں تاوان مہ بیت۔ کیڈٹ کالج وانا ءِ سر ءَ اوگان خوارج ءِ اُرش ءَ ناکام کنوکیں آپریشن کمانڈر کرنل محمد طاہر ءَ گْوشتگ کہ 10 نومبر ءَ 5 اوگان خوارج ءَ کیڈٹ کالج وانا ءِ سر ءَ اُرش کتگ۔ خوارج ءَ وانا کیڈٹ کالج ءَ نشانگ جوڑ کنگ ءِ کوشست کتگ کہ پاک فوج ءِ نیمگ ءَ چہ جنوبی وزیرستان ءِ مہلوک ءَ را ارزشتی ایں سوگات اِنت۔ آپریشن کمانڈر کرنل محمد طاہر ءَ گشتگ یک وت کُش تراک کتگ وھدیکہ ایندگہ خوارج ءَ گیٹ ءِ تہا ایر بوہگ ءِ کوشست کتگ ۔ خواریج ءَ اولی رند ءَ نودربر یرغمال کنگ ءِ کوشست کتگ۔ سیکورٹی فورسز ءِ وھد ءِ سر ءَ کارروائی ءَ اے اُرش ءُ خوارج ءِ بدیں نیت ناکام کتگ اَنت۔ ما ناشرکاراں یک خاصیں بلاکے ءَ بند کنگ ءَ نودربر آنی ایمنی ءَ را دل یکیمی کتگ۔ آئی ءَ گوشت کہ شپ ءِ 10 ءَ بگر داں 10:30 ءِ نزیک ءَ خوارج ءِ ھلاپ ءَ زبردستیں آپریشن ءَ پد سرجمیں خوارج تباہ کنگ بوتگ۔ وانا کالج ءَ وانگ ءَ یک کیڈٹے ءَ گْوشتگ کہ ما سھب ءِ 10 بج ءِ نزیک ءَ ڈرل ءِ مقابلہ ءِ تیاری ءَ اِتیں کہ وت کُشیں بمب تراک بوت۔ ما سرپد بوتگ اتیں کہ اے اُرش ھما وانگ ءُ زانگ ءِ دژمناں کتگ کہ مارا چہ وانگ ءُ زانگ ءَ رکّینگ لوٹ اَنت۔ مارا پاکستان آرمی ءِ سپاھیگاں پہ سلامتی ءَ چہ کالج ءَ ایمنیں جاھے ءَ شِفٹ کُت۔ وانگ ءُ زانگ ءِ دژمن ھرچ ​​کارے بہ کن اَنت آ مارا چہ وانگ ءُ زانگ ءَ رکّینت نہ کن اَنت۔ آئی ءَ گوشت کہ وت کُش بمب ءِ تراک ءِ وھد ءَ درستیں کیڈٹ ڈرل کنگ ءَ بوتگ اَنت۔ استاداں گشت کہ تو آرام کن پاکستانی لشکر اتکگ۔ خدا ءِ شکر اِنت کہ یک ھرابیں ناشرکاری ءِ پلاٹے وھد ءُ موہ ءَ کارروائی ءِ سبب ءَ ناکام بوتگ۔