پاکستان ءِ درئی کارانی پالیشی اقوام متحدہ ءِ منشور ءِ اصولانی سر ءَ بندوک اِنت، بزاں وت واجہی ءِ برابری، جیڑھانی پرامنیں رنگ ءَ گیش ءُ گیوار، راجانی نیام ءَ مداخلت نہ کنگ ءُ دوستی ءِ سیادی، نائب مزن وزیر ءُ دری کارانی وزیر سینیٹر محمد اسحاق ڈار بین پارلیمانی اسپیکراں گوں تران

اسلام آباد۔12نومبر  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ امن، مھکم ءُ دیمروئی ءِ ھاترا پاکستان ءِ گپ ءُ تران، سفارتکاری ءُ کثیر جہتی ءِ بے مٹیں عزم ءِ سر ءَ زور پر دات ءُ گوشت کہ پاکستان ءِ دری کارانی پالیسی اقوام متحدہ ءِ منشور ءِ سر ءَ بندوک اِنت۔ عدم مداخلت ءُ راجانی نیام ءَ دوستی ءِ سیادی ءِ ھاتر ءَ دیم ءَ آرگ بہ بیت۔ آئی ءَ اے ھیالانی درشانی چار شمبے ءِ روچ ءَ بین الاقوامی اسپیکر کانفرنس ءَ گوں تران کنان ءَ کت اَنت۔ آئی ءَ پاکستان ءِ دمگی کمک، جیڈھ آنی گر ءُ دار ءُ منصفانہ دیمروئی ءِ واستہ برجاھیں وکالت ءِ ذکر کت ءُ گوشت کہ استحکام ءُ دیمروئی ءِ واستہ گپ ءُ تران مدام مئے ترجیحی وسیلگ بوتگ۔ سرجمیں دگنیا ءِ پارلیمنٹرین، نمائندہ ءُ شریکیں مردم آناں گوں تران کنان ءَ آئی ءَ گوشت کہ آھانی ھوار بوھگ ءَ چہ اے یکجائی باور ءِ درشان انت کہ راج آنی نیام ءَ کمک امن ءُ دیمروئی ءِ پکّائیں راہ اِنت۔ آئی ءَ گوشت کہ چیئرمین سینیٹ ءُ انٹر پارلیمانی اسپیکر کانفرنس ءِ بانی چیئرمین سینیٹر سید یوسف رضا گیلانی ءِ وژن ءِ رد ءَ پاکستان ءِ سینیٹ ءِ چیردستی ءَ برجم دارگ بوھوکیں کانفرنس پاکستان ءِ امن، ایمنی ءُ کثیر نیمگی دیمروئی ءِ وسیلگ ءَ دیم ءَ برگ ءِ واستہ پاکستان ءِ برجاھیں کوشست آنی تہ ءَ یک دگہ سنگ میل اِنت۔ نائب مزن وزیر ءَ گوشت کہ میاں اوستمانی تک ءَ پاکستان ءِ سفر ءِ مدام لچک، گپ ءُ تران ءُ شریکداری ءِ وسیلگ ءَ زانگ بوتگ ءُ بین پارلیمانی اسپیکر کانفرنس ءَ اے رھبند آناں ٹھوس آسراتی آنی تہ ءَ بدل کنگ ءِ واستہ یک انچیں منفردیں پلیٹ فارم ءِ پجاری کتگ کہ ایشی ءَ چہ دمگی برجائی ءَ را مھکم کنگ بیت۔ آئی ءَ گوشت کہ مرچی سفارتکاری وزارت ءُ روایتی مشن ءَ چہ دیم ءَ شتگ، ءُ الس ءِ سرپدی ءُ پارلیمانی ھوار بوھگ ءَ چہ مھکم کنگ بیت۔ نائب مزن وزیر ءَ گوشت کہ پارلیمانی سفارتکاری راج ءِ نمائندگ آنی چمشانک ءَ را میاں اوستمانی گپ ءُ تران ءِ تہ ءَ آرگ ءَ چہ روایتی سفارتکاری ءِ تکمیل ءَ کنت۔ آئی ءَ گوشت کہ اے رنگیں تعامل ءَ چہ جھان ءِ کمک ءَ را گیش مھکم کنگ بیت ءُ اے گپ ءَ را دل یکیمی کنگ بیت کہ سفارتکاری ءَ چہ سرجمیں دگنیا ءِ شہری آنی واھشت ءُ واھشت آناں پدر کنگ بیت۔ نائب مزن وزیر ءَ گوشت کہ دمگی رابطہ، تجارتی آسراتی ءُ سرمایہ کاری ءِ شریکداری ءِ وسیلگ ءَ معیشت یکجائی وشھالی ءِ ھاترا حاصل کت کن اَنت۔ برجاھیں گلوبل چیلنج آنی حوالہ ءَ آئی ءَ گوشت کہ دگنیا ءِ تہ ءَ بدلی ءِ دور گندگ بوھگ ءَ اِنت کہ ایشی ءِ تہ ءَ کثیر جہتی ادارگ آنی سر ءَ بھروسہ ءِ تہ ءَ کمی، جیو پولیٹیکل رقابت آنی تہ ءَ گیشی، موسمیاتی بحران، ناشرکاری ءُ گیش بوھوکیں نابرابری ءِ نشانی اِنت، ایشی ءِ تہ ءَ اے وڑیں فورم آنی تہ ءَ غیر معمولی ارزشت ھست۔ نائب مزن وزیر ءَ گوشت کہ کثیر جہتی پسندی ءَ را نہ ایوک ءَ رکھینگ بہ بیت بلکینگ ءَ پچیں رنگ ءَ ھوار کنگ ءُ الس ءِ نمائندگ آنی سرگرمیں بھر زوری ءِ وسیلگ ءَ ھم زندگ کنگ بہ بیت۔ آئی ءَ گوشت کہ اے سال ءِ بنگپ ’’امن، ایمنی ءُ دیمروئی‘‘ یک سادہ بلے طاقتوریں راستی ءِ سر ءَ زور پر دیگ بیت کہ امن دیمروئی ءِ توان ءَ دنت، دیمروئی امن ءَ را برجائی کنت ءُ ایمنی دیمروئی ءَ را مھکم کنت۔ آئی ءَ اے گپ ءِ سر ءَ زور پر دات کہ ادارگ احتساب ءُ ھوار کنگ لوٹ اَنت دانکہ امن ءُ دیمروئی ءِ میوہ درستیں مردماں سر بہ بنت۔