اسلام آباد۔12نومبر (اے پی پی): مذہبی امور ءِ وفاقی وزیر سردار محمد یوسف ءَ وانا کیڈٹ کالج ءِ اُرش ءِ مذمت کتگ ءُ گشتگ کہ وانگ ءُ زانگ ءِ دژمنیں عناصر ءِ نیمگ ءَ کیڈٹ کالج وانا ءِ سر ءَ بزدلانہ اُرش ءَ را سیکورٹی فورسز ءَ گوں موثر کارروائی ءَ ناکام کتگ۔ سوبمندیں آپریشن ءِ پد ءَ پاکستانی سلاھ بندیں اُرد ءَ را سرجمیں رنگ ءَ شگر ءُ …
مذہبی وفاقی وزیر سردار محمد یوسف ءَ وانا کیڈٹ کالج ءِ سرا اُرش ءِ مذمت
گیشتریں ھال
اسلام آباد۔12نومبر (اے پی پی): مذہبی امور ءِ وفاقی وزیر سردار محمد یوسف ءَ وانا کیڈٹ کالج ءِ اُرش ءِ مذمت کتگ ءُ گشتگ کہ وانگ ءُ زانگ ءِ دژمنیں عناصر ءِ نیمگ ءَ کیڈٹ کالج وانا ءِ سر ءَ بزدلانہ اُرش ءَ را سیکورٹی فورسز ءَ گوں موثر کارروائی ءَ ناکام کتگ۔ سوبمندیں آپریشن ءِ پد ءَ پاکستانی سلاھ بندیں اُرد ءَ را سرجمیں رنگ ءَ شگر ءُ منت وار آں ۔ چار شمبے ءِ روچ ءَ وتی بیان ءِ تہ ءَ آئی ءَ گوشت کہ اے سوبمندی ءَ پاک اُرد ءِ صلاحیت ءُ حکومت ءِ جزم ءَ را یک پیم ءَ پدر کتگ۔ سیکورٹی فورسز ءَ کالج ءَ ھواریں 650 نودربر ءُ استاداں چہ وش ءُ سلامت رکینتگ ءُ آپریشن ءِ وھد ءَ بازیں اُرش کنوک انصاف ءِ دیم ءَ آرگ بوتگ اَنت۔ آ ھما وھد ءَ آرام نہ کن اَنت کہ ناشرکاری ھلاس کنگ مہ بیت ءُ فوجی ءُ سول ادارگ اے مول ءُ مراد ءِ سرجم کنگ ءِ ھاترا یکجائی گامگیج زورگ ءَ برجاہ بہ بنت۔ آئی ءَ گوشت کہ بزدلیں دژمن ءَ یک رندے پد ءَ یک وانگ ءُ زانگ ءِ ادارگ ءَ را نشانگ جوڑ کنگ ءِ کوشست کتگ، آ ناکام بوتگ۔ سیکورٹی فورسز ءِ بے مٹیں جزم ءَ چہ ناشرکارانی بدیں نیت ناکام بنت۔ نیروی امنیت پہ ملک ءِ رکھینگ ءَ چو سیسہ ءِ دیوال ءَ اوشتاتگ انت۔ راج سیکورٹی فورسز ءَ را سلام دنت ءُ آ چہ ملک ءَ ھرچ وڑیں ناشرکاری ءِ سرجمی ءَ ھلاس کنگ ءِ ھاترا دلجم اَنت۔
