پاکستان کینیڈا ءِ گوما سیادی ءَ گیش مھکم کنگ لوٹ ایت، مزن وزیر شہباز شریف ءَ کینیڈا ءِ ہائی کمشنر طارق علی خان ءَ گوں گپ ءُ تران

اسلام آباد۔12نومبر  (اے پی پی): مزن وزیر محمد شہباز شریف ءَ گوشت کہ پاکستان کینیڈا ءِ گوما سیادی ءَ را گیش مھکم کنگ لوٹ ایت، پاکستان ءَ کان کنی ءُُ معدنیات ءِ شوبگ ءَ سرمایہ کاری ءِ مزنیں موہ است انت، بیرک گولڈ پاکستان ءِ کان کنی ءِ شوبگ ءَ دیمروئی ءِ راہ پچ کنت ءُُ ھمے رنگ ءَ پاکستان ءُُ کینیڈا ءِ نیام ءَ اقتصادی کمک ءِ گواہی ءِ رنگ ءَ ثابت بیت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی پاکستان ءِ واستہ کینیڈا ءِ نوکیں ہائی کمشنر طارق علی خان ءَ گوں گپ ءُُ تران کنان ءَ کت آئی ءَ مزن وزیر ءَ گوں ادا گند ءُُ نند کت۔ اے موہ ءِ سر ءَ اسپیشل اسسٹنٹ طارق فاطمی ءُُ دری کارانی سیکرٹری ھم ساڑی ات۔ مزن وزیر ءَ کینیڈا ءِ ہائی کمشنر ءَ را آئی ءِ گچینکاری ءِ پد ءَ مبارک بات دات ءُُ دل یکیمی ءِ درشان کت کہ آئی ءِ گچینکاری ءِ ساھت ءَ پاکستان ءُُ کینیڈا ءِ نیام ءَ دیریں ءُُ دوستی ءِ سیادی گیش مھکم بنت۔ آئی ءَ کینیڈا ءِ سروکی ءَ را نیک راھی ءِ کلوہ ھم سر کت۔ مزن وزیر ءَ گوشت کہ پاکستان کینیڈا ءِ گوما وتی سیادی ءَ را گیش مھکم کنگ ءِ واھشت مند اِنت۔ مزن وزیر ءَ گوشت کہ پاکستان ءَ کان کنی ءُُ معدنیات ءِ شوبگ ءَ سرمایہ کاری ءِ مزنیں موہ است انت۔ ریکو دیک منصوبگ ءِ حوالہ ءَ مزن وزیر ءَ گوشت کہ بیرک گولڈ پاکستان ءِ کان کنی ءِ شوبگ ءَ دیمروئی ءِ راہ پچ کنت ءُُ ایشی ءِ گوما پاکستان ءُُ کینیڈا ءِ اقتصادی کمک ءِ سوبمندی ءِ کسہ ثابت بیت۔ کینیڈا ءِ ہائی کمشنر ءَ مزن وزیر ءِ منت گپت ءُُ پاکستان ءُُ کینیڈا ءِ نیام ءَ دو نیمگی سیادی ءَ را گیش دیمروئی دیگ ءِ واستہ کار کنگ ءِ جزم ءِ درشان کت ھاسیں رنگ ءَ کشت ءُُ کشاری، توانائی، تجارت، سرمایہ کاری، ٹیکنالوجی، وانگ ءُُ زانگ ءُُ مردم آنی نیام ءَ مردم آنی تبادلہ ءِ شوبگ آنی تہ ءَ۔ مزن وزیر ءَ کینیڈا ءِ جوڑیشت ءُُ دیمروئی ءِ تہ ءَ کینیڈا ءَ نندوکیں پاکستانی آنی بے دروریں کرد ءَ را ساڑات، آ دوئیں ملک آنی نیام ءَ سیادی ءَ را مھکم کنگ ءِ واستہ پُل ءِ کرد ءَ پیلو کن اَنت۔