وفاقی وزیر ڈاکٹر طارق فضل چوہدری پمز ہسپتال ءَ اسلام آباد کچہری ءِ وت کُش تراک ءَ چہ ٹپیگانی گوما  گند ءُ نند

اسلام آباد۔12نومبر  (اے پی پی): پارلیمانی امور ءِ وفاقی وزیر ڈاکٹر طارق فضل چوہدری ءَ پمز ہسپتال ءَ اسلام آباد کچہری ءِ وت کُش بمب تراک ءَ چہ ٹپیگ آنی گند ءُ نند کتگ ءُ درستیں ٹپیگ آنی داتگیں علاج ءِ سر ءَ یک یک ءَ چار ءُ تپاسی کتگ ءُ ٹپیگ آنی دلبڈی داتگ۔ اے موہ ءِ سر ءَ آئی ءَ پمز ہسپتال ءِ انتظامی ءَ را ہدایت کت کہ آ درستیں ٹپیگ آنی علاج ءِ واستہ ھمک رنگ ءِ جوانیں آسراتی پجاری ءَ را دل یکیمی بہ کن اَنت۔ چار شمبے ءِ روچ ءَ ادا پاکستان انسٹی ٹیوٹ آف میڈیکل سائنسز ءَ میڈیا ءِ نمائندگاں گوں تران کنان ءَ آئی ءَ گوشت کہ ناشرکار اے کار آنی گوما مارا ڈیمورال کت نہ کن اَنت، پمز اسپتال ءَ ٹپیگ آنی علاج برجاہ اِنت، مئے مردماں پجاگہ ءِ سر ءَ کمکی آپریشن آنی تہ ءَ بھر زرتگ۔ آئی ءَ گوشت کہ اسلام آباد ءِ رکھینگ ءِ واستہ ھمک سپاھیگ ءُ ھمک افسر کہ دیم داتگ انت آ وتی کار ءَ کنگ ءَ انت الس ءِ جان ءُ مال ءِ رکھینگ ءَ انت ءُ ناشرکار آنی کار آنی گر ءُ دار ءِ واستہ شپ ءُ روچ کار کنگ ءَ انت۔ آئی ءَ گوشت کہ من درستیں بزدلیں دژمناں کلوہ دیاں کہ اسلام آباد ءِ وئیل ءُ وانا ءِ کیڈٹ کالج ءِ سر ءَ اُرش مئے حوصلہ ءَ پروش دات نہ کنت۔ آئی ءَ گوشت کہ وانا ءَ مئے درستیں افسر ءُُ سپاھیگ آنی نیمگ ءَ پیش داشتگیں کارکردگی مثالی اِنت ءُُ من آھاں شگر ءُُ منت گراں کہ آھاں کیمپس ءَ ھواریں 550 زھگ آنی جان سلامتی ءَ را دل یکیمی کتگ، آھاں وتی جان ءِ ھترہ ءَ سرجمیں زھگ آناں رکّینگ ءِ ھاترا دیم داتگ۔ آئی ءَ گوشت کہ 100 ءِ نزیک ءَ استاد آنی جان سلامتی ھم دل یکیمی کنگ بوتگ ءُُ درست ایمنیں جاھاں شنگ کنگ بوتگ انت ءُُ ناشرکار آناں کیس ءِ دیم ءَ آرگ بوتگ۔ آئی ئَ گوشت کہ دگنیا ئِ تہ ئَ کجام جاگہ ​​ئَ اے وڑیں آشوب بیت آ اودا زھگ نشانگ جوڑ کنگ نہ بنت۔ آئی ءَ گوشت کہ کے پی کے انتظامی، بنجاہی وزیر ءُُ لھتیں سیاستدان سرپد بہ بنت، اے پی ایس ءِ وئیل ءَ پد اے مزنیں وئیل انت، انچوش کہ راج انصاف ءِ جنگ ءَ یکجا بوتگ، مرچی ھم یکوئی ءِ ضلورت انت، ان شا اللہ ما پاکستان ءِ دژمناں شکست دئیں۔ مزن وزیر شہباز شریف ءُ فیلڈ مارشل سید عاصم منیر ءِ سروکی ءَ مئے سیکورٹی افسر ءُ فوجی آں وتی جان ءَ را ریس ءَ ایر کنان ءَ ادا کتگیں کرد ستا کرز انت۔ آئی ئَ گوشت کہ وانا ئَ شھادت ئِ جالہ وارت ئِ سرمچار ئَ را ھم خراج تاگت ئَ کن آں۔ آئی ءَ گوشت کہ شھید آنی کھول آنی حوصلہ برز ءُُ جزم انت، آ وتی بامردیں زھگ ءُُ چک آنی سر ءَ پھر کن انت کہ ایشاں مہروانیں وطن ءِ رکھینگ ءِ واستہ وتی جان ندر کتگ انت۔ داں پاکستان ءَ ھما مات کہ چوشیں دلیریں چُکاں ودی کن اَنت زندگ اَنت انشاءاللہ پاکستان مھکم ءُ دائمی مان اِنت۔ آئی ءَ گوشت کہ من شمارا دل یکیمی کن آں کہ اسلام آباد ءَ را ایمن جوڑ کنگ ءِ واستہ ھرچ وڑیں گامگیج ءِ ضلورت اِنت ما چست کن ایں ءُُ وتی شہری آنی جان ءُُ مال ءِ رکھینگ ءِ واستہ ھمک ممکنیں کرد ءَ پیلو کن ایں ۔ یک جستے ءِ پِسّہ ءَ آئی ءَ گوشت کہ ناشرکارانی نا مذہب نیست ءُ نا وطن نیست۔ ھما دژمن کہ ما آئی ءَ انصاف ءِ جنگ ءَ شکست داتگ ھمے آپریشناں کنگ ءَ اِنت ءُ ناشرکاراں پہ وتی مول ءُ مراداں کارمرز کنگ ءَ اِنت۔