اسپیکر قومی اسمبلی سردار ایاز صادق ءِ ہمراہی ءَ ایران ءِ ڈپٹی اسپیکر علی نیک زاد ءِ ڈل ءِ ہمراہی ءَ اسپیکر قومی اسمبلی سردار ایاز صادق ءَ گوں گند ءُ نند کتگ ءُ وت مہ وتی نپ ءُ سیت ءِ جیڈھانی سرا گپ ءُ تران کتگ ءُ دو نیمگی کمک ءِ دیمروئی ءِ بابت ءَ گپ ءُ تران

اسلام آباد۔12نومبر  (اے پی پی): راجی اسمبلی ءِ اسپیکر سردار ایاز صادق ءَ پارلیمانی ڈل ءِ گوما ایران ءِ ڈپٹی اسپیکر علی نیک زاد ءَ گوں گند ءُُ نند کت ایشی ءِ تہ ءَ پاک ایران ءِ سیادی، پارلیمانی کمک، اقتصادی شریکداری ءُُ جتا جتائیں پڑ آنی تہ ءَ دو نیمگی دلچسپی ءِ جیڈھ آنی سر ءَ سرجمیں رنگ ءَ گپ ءُُ تران کنگ بوت۔ قومی اسمبلی ءِ سیکرٹریٹ ءِ رد ءَ اسپیکر سردار ایاز صادق ءَ دمگی استحکام ءُُ دیمروئی ءِ واستہ کمک ءَ را گیش کنگ ءِ ضلورت ءِ سر ءَ زور پر دات ءُُ گوشت کہ پاکستان ءُُ ایران برات ءِ ھمساھگیں ملک اَنت کہ یکجاھیں راجدپتر، مذھب ءُُ دود ءُُ ربیدگ ءِ مھکمیں سیادی ءَ چہ یکے دومی ءَ گوں بندوک اَنت۔ اسپیکر ءَ ایرانی ہم منصب ڈاکٹر محمد باقر قلیباف ءِ گوستگیں تر ءُُ تاب ءَ را دو نیمگی سیادی ءَ را گیش مھکم کنگ ءُُ پارلیمانی رابطہ آناں دیمروئی دیگ ءِ واستہ یک ھاسیں سنگ میل لیک اتگ۔ دوئیں رہشوناں پارلیمانی تک ءَ کمک ءَ را گیش کنگ، مردم آنی نیام ءَ رابطہ آناں گیش کنگ ءُُ مسلمانیں ملک آنی نیام ءَ یکوئی ءُُ یکوئی ءَ را گیش کنگ ءِ ضلورت ءِ سر ءَ ھم زور پر دات۔ سردار ایاز صادق ءَ گوشت کہ پاکستان ایرانی الس ءِ دومی گس انت، ھندوستان ءِ گوما جنگ ءَ ایران ءِ کمک ءِ شگر ءُ منت وار انت۔ آئی ءَ گوشت کہ پاکستان ءَ 7 رافیل بالی گراب ایر جتگ ءُُ بھارت ءَ را شکست داتگ، پاکستان مدام جیڈھ آناں پرامنیں گیواری ءِ واھشت مند اِنت، پاکستان ءَ ناشرکاری ءِ واستہ اوگان مٹی کارمرد کنگ بوھگ ءَ اِنت، پاکستان ناشرکاری ءِ سرجمی ءَ ھلاسی ءِ واستہ جزمیگ اِنت۔ اسپیکر سردار ایاز صادق ءَ گوشت کہ وھدے اسرائیل ءَ ایران ءِ سر ءَ اُرش کت گڈا پاکستانی پارلیمنٹ ءَ یک متفقہ قرارداد ءِ وسیلگ ءَ اسرائیل ءِ زوراکی ءِ مذمت کت، ایران ءُُ پاکستان ءِ ھم یکجائی دژمن اَنت کہ ایشی ءِ تہ ءَ اسرائیل ھم ھوار اِنت، من ایران ءَ را اسرائیل ءِ سر ءَ لائکیں پسو ءِ سر ءَ مبارکی دیان آں ۔ آئی ءَ ایران ءِ ڈپٹی اسپیکر ءِ آیوکیں پنچ سالی دیمروئی پروگرام ءِ واستہ نیکیں واھگ آنی درشان کت۔ ایران ءِ ڈپٹی اسپیکر ءَ اسلام آباد ءَ گوستگیں تراک ءَ بیران بوتگیں مردمانی واستہ دلپدردی ءِ درشانی کتگ، آئی ءَ 12روچ ءِ جنگ ءِ وھد ءَ پاکستان ءِ کمک ءَ را ساڑاتگ ءُ آئی ءَ را یاتگار لیک اتگ۔ آئی ءَ گوشت کہ دوئیں ملک آنی نیام ءَ جتا جتائیں پڑ آنی تہ ءَ کمک ءَ را گیش کنگ ءِ واستہ مزنیں موہ است انت۔\932