اپوزیشن حکومت ءِ گوما گپ ءُ تران ءِ واستہ میز ءِ سر ءَ آیگ ءَ انت، آئی ءَ را سرجمیں کمک دنت، اسپیکر راجی اسمبلی

اسلام آباد۔12نومبر  (اے پی پی): راجی اسمبلی ءِ اسپیکر سردار ایاز صادق ءَ اپوزیشن ءَ را پیشکش کتگ کہ آ حکومت ءِ گوما گپ ءُ تران ءِ واستہ ٹیبل ءِ سر ءَ بیا ایت ءُ آئی ءَ را سرجمیں کمک ءَ کنت، من دو رند ءَ بانی پی ٹی آئی ءَ را شکست داتگ، اے وھد ءَ منی ھلاپ ءَ ھچ وڑیں بہانہ نیست۔ چار شمبے ءِ روچ ءَ راجی اسمبلی ءَ محمود خان اچکزئی ءِ گشتانک ءِ سر ءَ اسپیکر ءَ گوشت کہ مزن وزیر ءَ اے ایوان ءَ اوشتگ ءِ وھد ءَ باز رند ءَ گپ ءُُ تران ءِ پیشکش کتگ، کانود ءِ وزیر ءَ گپ ءُُ تران ءِ نیمگ ءَ آیگ ءِ لوٹ کتگ۔ من اسپیکر ءِ بستار ءَ حکومت ءُ اپوزیشن ءِ نیام ءَ میانجی داری کنگ ءَ تیار آں ۔ سرکار ءُ اپوزیشن ءَ یکیں ٹیبل ءِ سرا آرگ منی زمہ واری انت۔ وہدے محمود خان اچکزئی ءَ گشتگ کہ من مہلوک ءِ ووٹ ءَ گچین نہ بوتگ انت گڈا اسپیکر ءَ گشتگ من دو رند ءَ تئی سروک شکست داتگ، اے گچین کاری ءَ منی حلاف ءَ ہچ وڑیں بہانہ نیست۔ اے وڑیں گپانی سرا گپ جنگ چہ گپ ءُ تران ءَ درکپگ اِنت۔ اگاں ما گوں ھندوستان ءَ گپ کُت کنیں گڑا ما یکے دومی ءَ گوں پرچا گپ کُت نہ کنیں۔