27می آئینی ترمیم اگاں مرچی پیش کنگ بہ بیت گڈا اے الم ءَ منظور بیت، پاکستانی فوج ءَ وانا ءَ 500 ءَ چہ گیش نودربر رکینتگ انت، اے تاریخی آپریشن دنیا ءِ یات ءَ مانیت، عطا اللہ تارڑ

اسلام آباد۔12نومبر  (اے پی پی): وفاقی وزیر ءِ اھوالکاری ءُُ شنگکاری عطا اللہ تارڑ ءَ گوشت کہ اگاں مرچی پیش کنگ بہ بیت گڈا 27می آئین ءِ ترمیم الم ءَ منظور بیت، پاک فوج ءَ وانا ءَ 500 ءَ چہ گیش نودربر رکینتگ، اے راجدپتری آپریشن دگنیا ءِ یات ءَ مانیت۔ چار شمبے ءِ روچ ءَ ادا پارلیمنٹ گس ءِ دپ ءَ میڈیا ءَ گوں تران کنان ءَ وفاقی وزیر ءِ اھوالکاری ءَ گوشت کہ اگاں مرچی پیش کنگ بہ بیت گڈا 27می آئینی ترمیم الم ءَ منظور کنگ بیت، کاش اپوزیشن ءَ ایشی ءِ سر ءَ سرجمی ءَ گپ ءُُ تران کتگ ات ءُُ شق ءِ رد ءَ بحث ءَ بھر زرتگ ات۔ بل ءِ وانگ ءَ ابید شور ءُ شور پیداک کنگ ءُ بیانیہ جوڑ کنگ ءَ چہ ہچ فائدہ نہ بیت۔ یک جستے ءِ پسو ءَ وفاقی وزیر ءِ اھوالکاری ءَ گوشت کہ پاک فوج ءَ وانا ءَ 500 ءَ چہ گیش نودربر رکینتگ، اے پاک فوج ءِ راجدپتری آپریشن ات ایشی ءِ واستہ ما پاک فوج ءَ را شگر ءُُ منت پیش کن ایں ۔ آئی ءَ گوشت کہ پاک فوج ءِ اے راجدپتری آپریشن ءَ دگنیا ءَ یات بیت۔ دنیا ءِ فوجی اکیڈمی آں آپریشن وانا وانینگ بیت۔ وفاقی وزیر ءَ گوشت کہ دژمن ءَ را کلوہ ایش انت کہ پاکستان ءَ چہ وت ءَ چار رند ءَ مستریں دژمن شکست داتگ، دژمن ءَ محبہ یل کتگ ات ءُُ شتگ ات، اے پراکسی جنگ مئے واستہ جنجالے نہ انت، ما ہر محاذ ءَ دژمن ءَ را شکست دیاں۔ وھدے یک اھوالکارے ءَ جست کت کہ مرچی مسلم لیگ ءِ سروک محمد نواز شریف پارلیمنٹ گس ءَ کیت یا نہ، وفاقی وزیر ءِ اھوالکاری ءَ پسو دات کہ من آئی ءَ ھم گند ءُ نند کناں۔