سعودی عرب ءِ وزیر دیمپانی ءَ امریکہ ءِ وزیر ءِ درئی کار ءُ وزیر دیمپانی ءَ گوں گند ءُ نند کتگ، دمگی ءُ میان استمانی جاورانی سرا گپ ءُ تران

ریاض۔12نومبر  (اے پی پی): سعودی عرب ءِ دیمپانی ءِ وزیر شہزادہ خالد بن سلمان ءَ گوں امریکی وزیر ءِ درئی کار مارکو روبیو، دیمپانی ءِ وزیر پیٹ ہیگستھ ءُُ دمگ ءِ ھاتر ءَ امریکی ھاسیں نمائندہ سٹیو وِٹکوف  ءَ گوں گند ءُُ نند کتگ، ایشی ءِ تہ ءَ دمگی ءُُ میاں اوستمانی جاور ھال آنی سر ءَ گپ ءُُ تران کتگ۔ العربیہ اردو ءِ رد ءَ شہزادہ خالد بن سلمان ءَ گوستگیں روچ ءَ سوشل میڈیا پلیٹ فارم ایکس ءِ سر ءَ وتی پوسٹ ءِ تہ ءَ گوشت کہ گند ءُُ نند ءِ ساھت ءَ سعودی عرب ءُُ امریکہ ءِ نیام ءَ سیادی ءُُ دوئیں دوستیں ملک آنی نیام ءَ اسٹریٹجک شریکداری ءِ جتا جتائیں تک ءُُ پھنات آنی سر ءَ چار ءُُ تپاسی کنگ بوتگ۔ زانگ بہ بیت کہ سعودی ولی عہد ءُ مزن وزیر شہزادہ محمد بن سلمان 18 نومبر ءَ امریکہ ءِ تر ءُ تاب ءَ کنت، اودا آئی ءَ گوں امریکی صدر ڈونلڈ ٹرمپ ءَ ہم گند ءُ نند ءِ گمان انت۔ اے شہزادہ محمد بن سلمان ءِ دومی امریکہ ءِ تر ءُ تاب بیت۔ آئی ءَ سعودی بادشاہ سلمان بن عبدالعزیز ءِ ہدایت ءِ رد ءَ 2018 ءَ اولی تر ءُُ تاب کتگ۔