اپوزیشن حکومت تون گپ وتران کن میزآ برے، اودے پورو کمک فراوان کینہ، اسپیکر قومی اسمبلی

اسلام آباد۔ 12 نومبر (اے پی پی) اسپیکر قومی اسمبلی سردار ایاز صادق اپوزیشنءِ سلہ خلکنے کہ او حکومت تون گپ وتران کن میز آ برے اودے پورو کمک فراوان کینہ، بانی پی ٹی آئی ءِ ای اِراوار شکست آن دوچار کریٹ، داوخت آ کنا برخلاف ہچ ءُ عذرداری اس اف۔ چارشنبے نادےآ قومی اسمبلی ٹی محمود خان اچکزئی نا ریمارکس آ اسپیکر پارے کہ وزیراعظم داایوان اٹی سلسا مذاکرات نا وار وار پیش کش کرینے، وزیرکانود گپ وتران نا کنڈآ بننگ کن پارینے۔ ای بطور اسپیکر حکومت و اپوزیشن نا نیام اٹ ثالثی کن تیار اُٹ۔ حکومت و اپوزیشن ءِ اسہ میز آ اتنگ کنا زمواری ءِ۔ ہراتم محمود خان اچکزئی پارے کہ او الس نا وونٹ آتے اٹ گچین متنے تو اوڑآ اسپیکر پارے کہ ای نا لیڈر ءِ اِراوار باتسونٹ  کنا برخلاف دا گچین کاری ٹی ہچ ءُ عذرداری اس اف، داوڑنا ہیت کننگ مذاکرات آن نرنگ ءِ، اگہ انڈیا تون ہیت مننگ کیک تو نن اسہ ایلو تون انت اکن ہیت کننگ کپنہ۔