ریاض۔ 12 نومبر (اے پی پی) سعودی عرب نا وزیر دفاع شہزادہ خالد بن سلمان امریکی وزیر خارجہ مارکوروبیو، وزیر دفاع پیٹ ہیگستھ و ڈیہہ اکن امریکہ نا خصوصی ایلچی سٹیووِٹکوف تون اوڑدہی کرے ہراٹی علاقائی و جہانی حالیت آتا بارواٹی گپ وتران کرے۔ العربیہ اردو نا رداٹ شہزادہ خالد بن سلمان تدوک آ دے سوشل میڈیا پلیٹ فارم ایکس آ تینا پوسٹ اٹی پارے کہ اوڑدہی ٹی سعودی …
سعودی وزیردفاع نا امریکی وزیرخارجہ و وزیر دفاع تون اوڑدہی، علاقائی و جہانی حالیت آتا بارواٹی گپ وتران
گیشتریں ھال
ریاض۔ 12 نومبر (اے پی پی) سعودی عرب نا وزیر دفاع شہزادہ خالد بن سلمان امریکی وزیر خارجہ مارکوروبیو، وزیر دفاع پیٹ ہیگستھ و ڈیہہ اکن امریکہ نا خصوصی ایلچی سٹیووِٹکوف تون اوڑدہی کرے ہراٹی علاقائی و جہانی حالیت آتا بارواٹی گپ وتران کرے۔ العربیہ اردو نا رداٹ شہزادہ خالد بن سلمان تدوک آ دے سوشل میڈیا پلیٹ فارم ایکس آ تینا پوسٹ اٹی پارے کہ اوڑدہی ٹی سعودی عر ب و امریکہ نا نیام اٹ تعلقداری و ہڑتوم آ سنگت ملک آتا نیام اٹ سٹریٹجک شریداری نا چندی پلو آتا جاچ ءِ ہلنگا۔ یات سلے کہ سعودی عرب نا ولی عہد و وزیراعظم شہزادہ محمد بن سلمان 18 نومبر آ امریکہ نا دورہ ءِ کیک ہراڑے اونا اوڑدہی امریکی صدر ڈونلڈ ٹرمپ تون ہم گمانی ءِ۔ داشہزادہ محمد بن سلمان نا امریکہ نا ارٹ میکو دورہ مریک۔ اواولیکو دورہ ءِ 2018ء ٹی سعودی فرمانرواشاہ سلمان بن عبدالعزیز نا پارت آکریسس۔
