چیئرمین سینیٹ سیدیوسف رضاگیلانی تون بارباڈوس و روس انا پارلیمانی ڈل آتا اوڑدہی

اسلام آباد۔ 12 نومبر (اے پی پی) چیئرمین سینیٹ و بانی چیئرمین بین الپارلیمانی اسپیکرز کانفرنس سید یوسف رضاگیلانی تون بارباڈوس و روس انا پارلیمانی ڈل آک جتا جتا اوڑدہی کریر ہراٹی تین پہ تینی است خواہی نا امور، ہڑتوم آ کنڈآتا تعلقداری و جہانی کہول آ پارلیمانی کمکاری ءِ مون آ دننگ نا گمان تا بارواٹی گپ وتران کننگا۔ سینیٹ سیکرٹریٹ آن جاری بیان نا رداٹ چیئرمین سید یوسف رضاگیلانی ڈل اتون گپ وتران اٹی داہیت آ زور شاغا کہ جہانی امن، سلامتی و پائیدار شونداری کن پارلیمان تے اسیجائی کوشست کروئی مریک۔ اوپارے کہ بین الپارلیمانی کمکاری نئے بیرہ قوم تا نیام اٹ تین پہ تینی پت ءِ مون آ دیک بلکن جہانی چیلنج آتا ایسری ٹی ہم اہم کڑد ادا کیک۔ روسی و بارباڈوس نا پارلیمانی راہشونک چیئرمین سینیٹ ءِ بین الپارلیمانی اسپیکرز کانفرنس نا سرسہب اڈتننگ آ مبارکبادی تسر و داتاریخی ایونٹ نا شاندار بست وبند آتیا سینیٹ سیکرٹریٹ نا کوشست آتا ستاءِ کریر۔ ڈل آک داعزم انا درشانی ءِ کریر کہ پاکستان تون پارلیمانی کہول آ کمکاری و ادارہ جاتی رابطہ غاتے پین سوگو کننگک۔ چیئرمین سینیٹ ہم ہڑتوم آملک آتون پارلیمانی تعلقداری تے پین ودفنگ نا عزم انا درشانی ءِ کرے۔