راجی اسمبلی ءَ بیست ءُ ھپتمی آئین ءِ ترمیم ءِ سر ءَ گپ ءُ تران، آئین ءِ ترمیم ملک ءَ جمہوریت، آئین ءُ دفاع ءِ مھکم کنگ ءِ واستہ وھد ءِ لوٹ انت، حکومت ءِ باسک

اسلام آباد۔ 11نومبر(اے پی پی):  راجی اسمبلی ءَ 27می آئین ترمیم ءِ سر ءَ چار شمبے ءِ روچ ءَ گپ ءُ تران بوتگ، ایشی ءِ تہ ءَ سرکار ءُ اپوزیشن گل آنی باسک آنی نیمگ ءَ وتی ھیال ءُ لیکہ درشان کنگ بوتگ اَنت۔ حکومت ءُ اتحادی گل آنی باسک آنی نیمگ ءَ آئین ءِ تہ ءَ ترمیم ءُ عدلیہ ءِ تہ ءَ اصلاحات آناں وھد ءِ ضلورت لیکگ ءِ وھد ءَ گوشت کہ آئین ءِ تہ ءَ ترمیم ملک ءَ جمہوریت، آئین ءُ دفاع ءِ مھکم کنگ ءِ واستہ وھد ءِ ضلورت اِنت وھدیکہ اپوزیشن گل آنی باسک آنی نیمگ ءَ ترمیم ءِ ھلاپ ءَ یک رند ءَ ترمیم ءِ منظوری ءِ سر ءَ زور پر دات۔ سئے شمبے ءِ روچ ءَ راجی اسمبلی ءِ دیوان ءَ 27می آئین ترمیم ءِ ھوالگ ءَ بحث ءَ بھر زوری کنان ءَ شاہدہ بیگم ءَ گوشت کہ انچوش کہ 1973ءِ آئین تپاکی ءَ گوں منظور کنگ بوتگ، کانود سازی ءِ عمل ھم تپاکی ءَ گوں سرجم کنگ بہ بیت۔ ما بیست ءُ ششمی آئین ءِ ترمیم ءِ وھد ءَ ھم وتی جیڑہ درشان کتگ اتنت ءُ لوٹ کتگ ات کہ نسل ءُ اسلامی نظریہ ءُ مدرسہ ءِ رجسٹریشن ءِ ھوالگ ءَ نکات ھوار کنگ بہ بنت۔ آئی ءَ گوشت کہ ما ادارہ ءُ آئین ءِ ھلاپ نہ آں، ما شہید آنی قربانی ءَ را ارزشت دئیں، اپوزیشن ءِ باسک پاکستان ءِ نیک واھشت انت۔ ما لوٹ اِت کہ آئین ءِ ترمیم یکوئی ءَ منظور کنگ بہ بنت۔ عمر خان نیازی ءَ گشتگ کہ ملک جیڑہ ءُ جنجالاں گوں دیم پہ دیم انت، زھگانی مرگ باز انت، پاکستان ءَ آپ ءِ جنگ انت، مئے کشت ءُ کشاری ءِ واستہ آپ نیست انت۔ اے جیڑہانی گیش ءُ گیوار کنگ لوٹیت۔ آئی ءَ گوشت کہ 27می آئین ءِ ترمیم ءِ منظوری ءِ واستہ زوتیں وھد ءِ درشان کنگ بوھگ ءَ اِنت، جج آناں ٹرانسفر کنگ مہ بیت۔ اپوزیشن ءِ باسک سردار محمد لطیف خان کھوسہ ءَ مناظرہ ءِ تہا بہر زورگ ءِ وہد ءَ گشتگ کہ 1973 ءِ متفقہ آئین ءِ جوڑ کنگ شہید ذوالفقار علی بھٹو ءِ مزنیں سوبمندی یے بوتگ۔ ہژدہمی ترمیم ءَ پد 1973 ءِ آئین وتی اصل شکل ءَ بحال کنگ بوت۔ آرٹیکل 136 ءِ چیر دستی ءَ پاکستان ءَ قرآن ءُ سنت ءِ حلاف ءَ ہچ وڑیں قانون جوڑ کنگ نہ بیت۔ اے ایوان 250 ملین مردمانی لوگ اِنت۔ ما پہ آئی ءِ مقدسیت ءَ یکجاہ اوشتات کنیں۔ اعجاز الحق ءَ گوشت کہ آئین یک مقدسیں دستاویزے، ترمیم عجلہ ءِ بدل ءَ جوانیں ھیال ءُ لیکہ ءَ چہ پد کنگ بہ بنت۔ راستی ءِ جنگ ءَ پد ملک ءِ دفاع ءِ منصوبہ بندی المی انت، مارا گوں فوج ءَ شور ءُ سلاہ ءَ گامگیج چست کنگی انت۔ بنجاہی حکومت جمہوریت ءِ روح انت، بنجاہی حکومتاں آئینی حفاظت ءِ ھاتر ءَ المی انت۔ آئی ءَ گوشت کہ جہل ءِ تک ءَ اختیارات ءِ دیم دیگ المی انت، این ایف سی ءِ ایوارڈ، وام ءِ پچ گرگ ءُ وانگ ءُ زانگ ءَ ھوار توامیں جیڈھ آناں تپاکی ءَ گوں دیم ءَ برگ بہ بیت۔ نعیمہ کشور خان ءَ گوشت کہ گوست ءَ ھوار بوتگیں ضلع آنی سیٹ کم کنگ بوتگ انت، ترمیم ءِ وھد ءَ اے ضلع آنی سیٹ آنی تہ ءَ گیشی ءِ واستہ گامگیج زورگ بوتگ ات، ھمے رنگ ءَ زالبول آنی واستہ سیٹ آنی تہ ءَ گیشی کنگ بوتگ ات وھدیکہ مشیر آناں گیش کنگ بوتگ ات۔ آئی ءَ گوشت کہ مئے سوج 27می ترمیم ءِ تہ ءَ ھوار کنگ نہ بوتگ اَنت۔ آئی ءَ گوشت کہ 26می ترمیم ءِ ساھت ءَ مئے گوما کتگیں وعدہ آنی سر ءَ عمل کنگ ءَ را دل یکیمی کنگ بہ بیت۔ آئی ءَ گوشت کہ ترمیم الس ءِ نپ ءِ تہ ءَ بہ بنت۔ پیپلز پارٹی ءِ مرزا اختیار بیگ ءَ گوشت کہ آئین ءِ تہ ءَ ترمیم ناگزیر اِنت، زندگیں راج وتی بامرد آناں یات کن اَنت، سرجمیں راج ءَ را گوستگیں پاک ءُ بھارت جنگ ءَ فیلڈ مارشل عاصم منیر ءُ پاکستانی لشکر ءِ کرد ءِ سر ءَ فخر اِنت، دگنیا مئے فوجی رہشون آنی توسیپ ءَ کنگ ءَ اِنت، ما نوں پدریں رنگ ءَ آھانی یک… ایم کیو ایم ءِ باسک سید حفیظ الدین ءَ گپ ءُ تران ءَ بہر زورگ ءِ وھد ءَ آئین ءِ آمید گس الس ءِ واستہ المی انت ۔ اے ترمیم پہ آئین ءَ دریں گامگیجانی دیم ءَ دارگ ءَ المی بوتگ انت۔ اے ترمیم ءِ سرا اپوزیشن قائمہ کمیٹی ءِ دیواناں نیاتک ۔ اے بابت ءَ نوں رسانکدر ءَ ءُ اد ءَ ایوان ءَ گپ جنگ بوھگ ءَ اِنت۔ اے گپ سنگین نہ ات۔ ہر کس 140اے ءِ حمایت ءَ کنگ ءَ انت تحریک انصاف ءَ ہم حمایت کنگ لوٹیت۔ اے یک سکیں ھاسیں ترمیمے ات ءُ ایشی ءَ را ھم ھوار کنگ لوٹ اتگ ات۔ شرمیلا فاروقی ءَ گوشت کہ بیست ءُ ھپتمی ترمیم ءِ ھوالگ ءَ گپ ءُ تران سوشل میڈیا ءَ بلاول بھٹو ءِ پوسٹ ءَ چہ بندات بوتگ۔ سی ای سی ءَ اے بابت ءَ گپ ءُ تران بوتگ۔ ما 18 ترمیم ءِ رول بیک ءِ تجویزاں گوں تپاک نہ کتگ ات۔ صدر زرداری ءَ 11 سال زندان ءَ گوازینتگ ءُ آئی ءَ چہ پاکستان ءَ جلاوطنی ءِ پیشکش نہ من اِتگ ۔ آئی ءَ استثنیٰ ءِ زلورت نہ اِنت۔ آئی ءَ گوشت کہ بھارت ءِ ھلاپ ءَ جنگ ءَ سوبمندی ءِ کریڈٹ عاصم منیر ءَ را انت۔ فیلڈ مارشل ءِ نوکیں پوسٹ جوڑ کنگ ءِ عمل ءِ سرا ایراد گرگ مہ بیت۔ ہندوستان کجام ہم وہد ءَ جنگ ءَ مسلط کنت۔ ناشرکاری اوگانستان ءَ چہ پاکستان ءَ کیت۔ چوشیں وھد ءَ اے ترمیم ءِ سرا ایراد گرگ بیت۔ چوش کنگ مہ بیت۔ آئی ءَ گوشت کہ آئینی آمید گس ءِ جوڑ بوھگ ءَ چہ اے تاثر پرچا دیگ بوھگ ءَ انت کہ ایشی ءِ نیمگ ءَ چہ عدلیہ ءِ آجوئی ءِ سر ءَ اُرش کنگ بوھگ ءَ انت ۔ آئینی معاملہ آں گوشدار ایت۔ انچوش کہ انسداد ناشرکاری ءِ آمید گس ناشرکاری ءَ گوں سیادی داروکیں کیسانی گوشدارگ ءَ انت، آئینی جیڈھ آنی سر ءَ ھم ھیال ءُ لیکہ کنت۔ ما وتی جان ندر کتگ انت، اپوزیشن ءَ چے قربانی داتگ انت؟ ما ھما ایں کہ آئین جوڑ کتگ ءُ آئین ءِ رکّینگ ءَ روگ ءَ ایں ۔ جمیعت علماء اسلام ءِ باسک مصباح الدین ءَ گوشت کہ بیست ءُ ھپتمی ترمیم ءِ بل الس ءُ جمہوریت ءِ نپ ءَ نہ انت۔ شفقت عباس ءَ گوشت کہ ھمک ملک ءَ آئین ءِ تہ ءَ ترمیم کنگ ءِ کارروائی است انت۔ آئی ءِ دیم ءَ آرگ ءَ پد مسودہ ءِ سرا ھیال ءُ لیکہ کنگ بیت بلے نوں آئی ءِ تہا عجلت ءُ عجلت بوتگ۔ ایم کیو ایم ءِ باسک ایشیا اسحاق ءَ گشتگ کہ ما اسلام آباد ءِ آمیدگس ءَ بوتگیں وت کُش تراک ءَ را سک مذمت کن ایں ۔ دہلی ءَ سی این جی ءِ تراک ءَ چہ 24 کلاک ءِ تہا یک وت کُشیں اُرشے بوتگ۔ آیا انگت اے گپ نہ گشگ بیت کہ ادا ہندوستان ناشرکاری ءِ تہا براہ راست دست مان اِنت؟ اے ناشرکاری ءَ پد چیف آف ڈیفنس ءِ عہدہ ءَ گیشتر ارزشت رستگ۔ ہمے سبب انت کہ آرٹیکل 243 ءِ ترمیم ءِ ھاتر ءَ المی انت۔ عادل بازئی ءَ گشتگ کہ ما اسلام آباد ءِ آمیدگس ءَ بوتگیں تراک ءَ مذمت کنیں ۔ پیپلز پارٹی ءِ باسک سیہر کامران ءَ گشتگ کہ پاکستان ءِ سلاھ بندیں اُرد ءَ مئے چہ سک باز مزنیں ملکے ءَ را حقانی جنگ ءَ شکست داتگ۔ اگاں فیلڈ مارشل ءَ را چیف آف ڈیفنس جوڑ کنگ بوھگ ءَ اِنت گڑا ایشی ءِ سر ءَ کس اعتراض مہ کنت۔ دنیا ءِ بازیں ملکاں صدر ءِ استثنیٰ است انت۔ عثمان اویسی ءَ گشتگ کہ مئی ءَ بھارت ءَ پاکستان ءِ اُرش ءِ سرا لائکیں پسو داتگ ءُ اے آئینی ترمیماں آرٹیکل 243 ءِ تہا ترمیم المی انت دانکہ دژمن ءَ را لائکیں پسو دیگ بہ بیت۔ الس ءِ جیڈھ آنی گیواری ءِ واستہ مارا یکجا بوھگی انت ۔