ترمیم دستاویز نہ انت، جمہوریت ءُ آیوکیں وھد ءِ نوکیں تعریف انت، دانیال چوہدری

اسلام آباد۔11نومبر  (اے پی پی): پارلیمانی سیکرٹری برائے اطلاعات ءُ نشریات دانیال چوہدری ءَ گشتگ کہ 27می ترمیم دستاویز نہ انت، اے جمہوریت ءُ آیوکیں وھد ءِ نوکیں تعریف انت۔ ایوان بالا ءِ وڑ ءَ 27می ترمیم ھم راجی اسمبلی ءَ دو تہائی اکثریت ءَ گوں منظور کنت۔ سئے شمبے ءِ روچ ءَ راجی اسمبلی ءَ زیر غور 27 ترمیم بل ءِ سر ءَ بحث ءَ بھر زوری کنان ءَ آئی ءَ گوشت کہ آئین ءِ رد ءَ ردیں مردم ادا آئین ءِ بالادستی ءِ گپ ءَ کنگ ءَ اَنت۔ بیست ءُ ھپتمی ترمیم دستاویز نہ اِنت، اے جمہوریت ءُ آیوکیں وھد ءِ نوکیں دروشم اِنت۔ احتساب ءِ گپ جنوکیں پارٹی 13 سال اِنت کہ اقتدار ءَ اِنت، صوبہ ءَ احتساب ءِ محکمہ بند اِنت، امن ءُ ایمنی ءِ جاور انچوش اَنت کہ آئی ءِ پیسریگیں سر وزیر وتی حلقہ ءَ شت نہ کنت۔ آئی ءِ استان ءَ سیکرٹریانی نیمگ ءَ کروڑاں کلدار ھرچ کنگ بوھگ ءَ اِنت، کوہستان ءِ وڑیں ارباں کلدار ءِ اسکینڈل دیم ءَ کاینت۔ آئی ءَ گوشت کہ آرٹیکل 243 ءِ تہ ءَ ترمیم کنان ءَ ما فوج ءَ را ھما رنگ ءَ مھکم کنگ لوٹ آں کہ ایشاں انصاف ءِ جنگ ءَ دژمن ءِ دیم ءَ جواب داتگ۔ آئی ءَ گوشت کہ اے مردم مدام بیساکلی ءِ شوھاز ءَ بوتگ اَنت، کانود ءُ آئین ءِ بالادستی ھچبر آھانی اولی ترجی نہ بوتگ، صوبگ ءِ اُلس ءِ وشھالی ءُ امن ءُ ایمنی آھانی اولی ترجی آنی تہ ءَ نہ بوتگ۔ آئین ءِ آمید گس ءِ جوڑیشت ءَ چہ انصاف ءِ پجاری ءِ تہ ءَ مزنیں ترندی یے گندگ بیت۔ عدالتی کیسانی سبب ءَ آمید گس ءِ گیشتریں وھد ایشی ءِ سر ءَ گوازینگ بوتگ، نوں اے وڑیں کیسانی گیش ءُ گیوار ءَ کمک کنت۔ اے زیر التواء کیسانی حل کنگ ءَ کمک کنت۔ آئی ءَ گوشت کہ اپوزیشن ءِ سنگینی ایش انت کہ یک یکے ءَ ھم ترمیم ءِ بابت ءَ گپ نہ جتگ۔ اے یک ٹنگیں پارٹی یے ات کہ پاکستان ءِ مہلوک ءِ سرا مڈّل کنگ بوتگ ات۔ آئی ءَ گوشت کہ 18 ترمیم ءِ چیر دستی ءَ صوبہ آناں اختیارات ءِ دیم دیگ ھوار بوتگ بلے بنجاہی حکومت ءَ را اختیارات ءُ وسیلگ ءِ دیم دیگ ءِ بند ھوار نہ بوتگ، اے بند ھم اے ترمیم ءِ تہ ءَ ھوار کنگ لوٹ اتگ۔ آئی ءَ گوشت کہ مشرف ءِ دور ءَ آئی ءَ را سیٹ رستگ، آئی ءَ سائیکل ءِ سر ءَ کارگس ءَ روگ ءِ گپ جتگ بلے آئی ءِ مزن وزیر ھیلی کاپٹر ءِ سر ءَ کارگس ءَ روگ ءَ بوتگ، آ گوستگیں روچ ءَ گریوگ ءَ بوتگ ءُ مرچی ھم گریوگ ءَ اِنت۔