راجی اسمبلی ءِ اسپیکر سردار ایاز صادق ءَ ملائیشیا ءِ نائب صدر داتک نور جازلان بن تان سری محمد ءَ گوں گند ءُ نند

اسلام آباد۔11نومبر  (اے پی پی): راجی اسمبلی ءِ اسپیکر سردار ایاز صادق ءَ ملائیشیا ءِ نائب صدر داتک نور جازلان بن تان سری محمد ءَ گوں گند ءُ نند کتگ ایشی ءِ تہ ءَ دو نیمگی سیادی، پارلیمانی کمک ءُ اقتصادی سیادی ءِ سر ءَ گپ ءُ تران کنگ بوتگ۔ اے موہ ءِ سر ءَ گشتانک دیان ءَ اسپیکر ءَ گوشت کہ پاکستان ءُ ملائیشیا ءِ سیادی یک دومی ءِ سر ءَ دلجمی، شرپ ءُ شرپ ءُ یکجائی قدر آنی سر ءَ بندوک انت، پارلیمانی کمک ءَ چہ دوئیں ملک آنی سیادی آناں نوکیں رنگ ءُ دروشم رس ایت۔ اسپیکر ءَ وتی ملائیشیا ءِ ہمکار ءَ را پاکستان ءِ تر ءُ تاب ءِ دعوت دات ءُ گوشت کہ پاکستان ءُ ملائیشیا ءِ نیام ءَ وانگ ءُ زانگ، سیل ءُ سواد، حلال فوڈ ءُ پام آئل ءِ شوبگ ءَ کمک ءِ واستہ مزنیں گنجائش است انت۔ مردم ءِ نیام ءَ رابطہ ءُ تجارتی سیادی ءِ دیمروئی وھد ءِ لوٹ اِنت۔ آئینی ترمیم ءِ سبب ءَ آ بین پارلیمانی اسپیکر آنی دیوان ءَ بہر زورگ ءَ نہ بوتگ۔ اسپیکر ءَ سوشل میڈیا ءِ سر ءَ جعلی ھال ءُ اھوال ءُ منفی پروپیگنڈا ءِ گر ءُ دار ءِ سر ءَ زور پر دات ءُ گوشت کہ آرٹیفیشل انٹیلی جنس ءِ رد کارمردی ءِ گر ءُ دار ءِ واستہ جھان ءِ کمک المی اِنت۔ مسلمان امت ءِ تہا یکوئی وھد ءِ لوٹ اِنت۔ اسپیکر سردار ایاز صادق ءَ ملائیشیا ءِ گوما پاکستان ءِ سیادی ءَ را گیش مھکم کنگ ءِ جزم ءِ درشان کت۔ ملائیشیا ءِ نائب صدر داتک نور جازلان ءَ بین الاقوامی پارلیمانی کانفرنس ءَ مزن وزیر محمد شہباز شریف ءِ گشتانک ءِ توسیپ کت۔