نائب مزن وزیر محمد اسحاق ڈار ءَ گوشت کہ پاکستان ءَ دمگی رابطہ ءَ را گیش کنگ ءُ چاگردی ءُ اقتصادی دیمروئی ءِ واستہ شریکداری ءَ را مھکم کنگ ءِ جزم

اسلام آباد۔11نومبر  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ باز کسی ءِ ھاتر ءَ نوکیں جھان ءِ عزم ءُ میاں اوستمانی مالیاتی ءُ گورننس ءِ نظام ءَ ترندیں اصلاحات ءِ لوٹ کتگ ءُ گوشت کہ پاکستان دمگی رابطہ کاری ءَ را گیش کنگ ءُ چاگردی ءُ اقتصادی دیمروئی ءِ واستہ شریکداری ءَ را مھکم کنگ ءِ ھاتر ءَ جزم اِنت۔ آئی ءَ اے ھیالانی درشانی سئے شمبے ءِ روچ ءَ اسلام آباد پالیسی ریسرچ انسٹی ٹیوٹ ءِ نیمگ ءَ برجم داشتگیں ششمی مارگلہ ڈائیلاگ 2025 ءَ گوں تران کنان ءَ کت۔ آئی ءَ گوشت کہ اقوام متحدہ ءِ سلامتی کونسل ءَ ھوار کثیر نیمگی فورم آنی تہ ءَ وتی گوستگیں گشتانک آنی تہ ءَ من باز رند ءَ ھال داتگ کہ انسانیت ءَ را بے دروریں چیلنج آنی دیم ءَ انت کہ ایشی ءَ چہ جھان ءِ امن، وشھالی ءُ ایمنی ءَ را ھترہ ءِ دیم ءَ انت۔ نائب مزن وزیر ءَ ھشدار دات کہ باز کسی ءُ میاں اوستمانی کمک ءِ بنیات ھاسیں رنگ ءَ اقوام متحدہ ءِ نیمگ ءَ چہ نمائندگی کنوکیں بنیات ءِ سر ءَ زھر ءُ زھری ءِ تہ ءَ انت پرچا کہ شک ءُ برجاھیں جیڈھ آنی سر ءَ جُست ءُ پُرس ءِ نشان ءِ کشگ ءَ انت۔ آئی ءَ گوشت کہ باز کسی ادارگ نزور بوھگ ءَ انت، اقوام متحدہ ءِ سلامتی کونسل سیاسی تپاوت ءِ سبب ءَ بن بست ءَ انت، وھدیکہ بازیں جاھاں آئی ءِ قرارداد آنی ھلاپ ورزی کنوک آنی ھلاپ ءَ کارروائی کنگ ءِ واستہ ھچ وڑیں بامردیں میکانزم نیست۔ فلسطین ءُ جموں ءُ کشمیر ءَ جیڈھ آنی ھوالگ ءَ نائب مزن وزیر ءَ گوشت کہ اے ھیال گیش بوھگ ءَ اِنت کہ سلامتی کونسل جھان ءِ امن ءُ ایمنی ءِ برجائی ءِ بنیاتی ذمہ واری ءِ پیلو کنگ ءَ ناکام اِنت۔ آئی ءَ جھان ءِ نابرابری ءُ قرضہ ءِ بحران ءِ نیمگ ءَ ھم دلگوش گور کت کہ نوں 100 ءَ چہ گیش ملک آناں وتی سرا زورگ ءَ انت کہ ایشی ءَ چہ پائیدار دیمروئی ءِ مول ءُ مراد آنی سرجمی ءَ را ھراب کنگ ءَ انت۔ آئی ءَ گوشت کہ پاکستان ءِ وڑیں دیمروئی کنوکیں ملک جھان ءِ کشگ ءِ تہ ءَ ناچیزیں کساس ءِ بھر زوری ءِ باوجود موسمی بدلی ءِ زھر ءَ برداشت کنگ ءَ اَنت، پدا ھم پاکستان موسمیاتی بدلی ءِ دیم ءَ گیشتر زیان مندیں ملک آنی تہ ءَ ھوار اِنت۔ سینیٹر محمد اسحاق ڈار ءَ گوشت کہ اقوام متحدہ یکجائی چیلنج آنی گیواری ءِ واستہ دگنیا ءِ نمائندہ تریں پلیٹ فارم اِنت۔ آئی ءَ اقوام متحدہ ءِ منشور ءِ اصول آنی پاکستان ءِ برجاھیں حمایت ءِ ذکر کت کہ ایشی ءِ تہ ءَ وت واجہی، زور ءِ کارمرد نہ کنگ ءُ جیڈھ آناں پرامن رنگ ءَ گیواری ھوار اِنت۔ آئی ءَ اے سال ءِ میان ءَ اقوام متحدہ ءِ سلامتی کونسل ءِ پاکستان ءِ صدارت ءِ حوالہ دات ءُ قرارداد 2788 ءِ یکوئی ءِ منظوری ءِ سر ءَ زور پر دات۔نائب مزن وزیر ءَ گوشت کہ آئی ءِ سروکی ءَ بوتگیں گند ءُ نند ءَ پاکستان ءِ موثر کثیر نیمگی ءُ اقوام متحدہ ءِ منشور ءِ عزم ءِ گواہی اِنت۔ آئی ءَ اقوام متحدہ ءُ اسلامی کمک ءِ گل ءِ نیام ءَ ادارگی سیادی ءَ را مھکم کنگ ءِ پاکستان ءِ گامگیج ءِ ھم ذکر کت کہ آ دگنیا ءِ دومی مزنیں باز کسی ادارگ اِنت۔ نائب مزن وزیر سینیٹر محمد اسحاق ڈار ءَ اے گپ ءِ سر ءَ دل یکیمی ءِ درشان کت کہ ششمی مارگلہ گپ ءُ تران ءَ اے ھاسیں جیڈھ آنی سر ءَ بازیں گپ ءُ تران کنگ بوتگ ءُ پاکستان ءِ اسٹریٹجک جغرافیائی پوزیشن ءُ اقتصادی توان آنی سر ءَ چمشانک دیگ بوتگ۔ آئی ءَ گوشت کہ جنوبی ایشیا، میاں اوستمانی ایشیا ءُ میاں اوستمانی تک ءِ چوراہگ ءَ جاہ منندیں پاکستان ءَ را مزنیں معدنی دولت، انسانی سرمایہ ءُ رابطہ کاری ءِ وسیلگ ءَ موہ داتگ۔ آئی ءَ گوشت کہ ما چاگردی ءُ اقتصادی دیمروئی ءِ واستہ دمگی رابطہ کاری ءَ را گیش کنگ ءُ شریکداری ءَ را مھکم کنگ ءِ واستہ جزمی آں۔ نائب مزن وزیر محمد اسحاق ڈار ءَ گوشت کہ پاکستان یکجائی ءُ یکجائی وشھالی ءِ سر ءَ مرکزی جیو اکنامک ویژن ءِ سر ءَ عمل کنگ ءِ واستہ جزمیگ اِنت ءُ ما یکجائی مول ءُ مراد آنی سر ءَ سر بوھگ ءِ واستہ توامیں شریک ءُ ادارگ آنی گوما کار کنگ ءِ واستہ تیار آں۔ آئی ءَ اے اُمیت ءِ درشانی کت کہ مارگلا ڈائیلاگ ءِ تہ ءَ گپ ءُ تران ءَ چہ درستانی واستہ گیش مھکم، منصفانہ ءُ وشھالیں آیوکیں وھد ءِ نیمگ ءَ کمک ءِ نوکیں راہ ءُ درانی چارٹ کنگ ءَ کمک رسیت۔