وفاقی وزیر اورنگزیب خان کھچی ءَ سینیٹر عرفان صدیقی ءِ بیرانی ءِ سر ءَ دلپدردی ءِ درشان

اسلام آباد۔11نومبر  (اے پی پی): راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی ءَ سینیٹر عرفان صدیقی ءِ بیرانی ءِ سر ءَ سک باز رنج ءُ گم ءِ درشانی کتگ۔ سئے شمبے ءِ روچ ءَ وتی دلپدردی بیان ءِ تہ ءَ آئی ءَ گوشت کہ عرفان صدیقی ءِ بیرانی اکیڈمک، لبزانکی ءُ ثقافتی دگنیا ءِ واستہ ناقابل تلافی تاوان اِنت۔ عرفان صدیقی زانت ءُ لبزانک ءِ یک درپشناکیں چراگ ءُ راجی فکری میراث ءِ نگہبانے بوتگ۔ عرفان صدیقی ءَ مدام تہذیب ءُ دود ءُ ربیدگ ءِ دیمروئی ءِ ھاتر ءَ رہشونی داتگ۔ آئی ءَ گوشت کہ دود ءُ ربیدگ ءِ ادارگ آناں کم کنگ ءِ چیلنج ءِ تہ ءَ عرفان صدیقی ءِ ارزشتی ایں رہشونی ءُ کمک مدام یات کنگ بیت۔ عرفان صدیقی ءَ راجی دود ءُ ربیدگ ءِ ادارگ آنی یکجا کنگ ءُ دیمروئی ءِ تہ ءَ عملی کرد پیلو کتگ۔ عرفان صدیقی ءِ رہشونی ءَ چہ وزارت دود ءُ ربیدگ ءَ فائدہ رستگ ءُ آئی ءِ بصیرت مدام رژن ءِ چراگ بیت۔ وفاقی وزیر ءَ گوشت کہ عرفان صدیقی ءَ لبزانک ءَ را راجی پجار ءِ بھر جوڑ کتگ، آئی ءِ نبشتانک نوکیں نسل ءِ واستہ فخر ءِ وسیلگ انت، آئی ءِ لبزانکی ھزمت اردو نثر، کالم کاری ءُ فکری گپ ءُ تران ءِ راجدپتر ءَ زرین آب آنی تہ ءَ نبشتہ کنگ بنت، آئی ءَ دل ءِ جہلانکی ءَ چہ دلپدردی ءُ سدکی ءِ ھاندان ءِ ھمدردی ءِ درشانی کت۔ آئی ءَ دعا کت کہ اللہ تعالیٰ بیران بوتگیں مردم ءَ را جنت ءَ برزیں جاگہے بہ دنت ءُ کھول ءَ سبر ءُ اوپار بہ دنت۔