پارلیمنٹ اعتماد ءِ جوڑ کنوک انت، دنیا ءِ تہا تپاکی ءِ دیمروئی کنوک انت، چیئرمین سینیٹ ءُ بانی چیئرمین بین پارلیمانی اسپیکر کانفرنس سید یوسف رضا گیلانی بین پارلیمانی اسپیکر کانفرنس ءِ بنگیج ءِ مراگش ءَ گوں تران

اسلام آباد۔11نومبر  (اے پی پی): چیئرمین سینیٹ ءُ بانی چیئرمین انٹر پارلیمانی اسپیکر کانفرنس سید یوسف رضا گیلانی ءَ گوشت کہ پارلیمنٹ ایوک ءَ دگنیا ءِ تہ ءَ امن ءُ دیمروئی ءِ نگدکار نہ اَنت بلکیں اعتماد ءِ جوڑ کنوک، تپاکی ءِ دیمروئی کنوک ءُ الس ءِ توار ھم اَنت۔ پاکستان جھان ءِ تک ءَ امن ءُ ایمنی ءُ دیمروئی ءِ دیم ءَ برگ ءِ واستہ جزمیگ انت۔ پاکستان ءِ اے عزم ایوک ءَ بیانانی تہ ءَ بندوک نہ اِنت بلکیں ایشی ءِ عملی ثبوت ناشرکاری ءِ ھلاپ ءَ جھان ءِ جنگ ءِ تہ ءَ پاکستان ءِ سروکیں کرد ءُ اقوام متحدہ ءِ امن مشن آنی تہ ءَ آئی ءِ ھاسیں بھر زوری اِنت۔ سئے شمبے ءِ روچ ءَ اسلام آباد ءَ برجم داشتگیں میاں اوستمانی اسپیکر کانفرنس ءِ بنداتی دیوان ءَ گشتانک دیان ءَ چیئرمین سینیٹ ءَ وتی گشتانک ءِ بندات ءَ ھاسیں مہمان مزن وزیر محمد شہباز شریف ءَ را وش اتک کت ایشی ءِ تہ ءَ راجی ءُ صوبائی سروکی، درملکی مہمان، اسپیکر، میاں اوستمانی وزیر، پارلیٹی ءِ باسک آنی وش آتک کت۔ نمائندگاں داتگ۔ آئی ءَ گوشت کہ پاکستان ءِ مزن وزیر ءِ ھاسیں مہمان ءِ بستار ءَ بھر زوری نہ ایوک ءَ پارلیمنٹ ءِ ادارگ ءِ احترام ءِ نشانی انت بلکینگ ءَ گپ ءُ تران، کمک ءُ کثیر نیمگی ءِ دیمروئی ءِ واستہ پاکستان ءِ جزم ءِ پدریں آدینک انت۔ چیئرمین سینیٹ ءَ گوشت کہ مرچی دگنیا ءِ شمال ءُ رودرتک ءِ پارلیمانی راہشون یکیں بام ءِ چیر ءَ یکجاہ کنگ بوتگ انت، ایشی ءَ چہ پارلیمانی یکوئی ءِ نوکیں دور ءِ بنیات انت۔ اے راجدپتری مچی سرجمیں دگنیا ءِ پارلیمانی رہشون آنی یکوئی، عزم ءُ کمک ءِ نشان انت۔ آئی ءَ گوشت کہ کانفرنس ءِ سرھال امن، ایمنی ءُ دیمروئی سیمسر ءُ نظریات ءَ چہ دریں پیغام اِنت کہ سرجمیں انسانیت ءِ واستہ رھشونی ءِ پجاری اِنت۔ آئی ءَ گوشت کہ استیں دور ءَ بے یقینی، جیڈھ، چاگردی مٹ ءُ بدلی، اقتصادی جھٹکا ءُ ترندیں ٹیکنالوجی ءِ مٹ ءُ بدلی ءِ آماچ انت۔ چیئرمین سینیٹ ءَ گوشت کہ امن مئے دیم ءَ ھلاس بوھگ ءَ اِنت چوش کہ ما غزہ، سوڈان ءُ مقبوضہ کشمیر ءَ ظلم ءُ بربریت ءِ رنگ ءَ دیستگ۔ آئی ءَ اے گپ ءِ سر ءَ زور پر دات کہ اے رنگیں وھد ءَ پارلیمنٹ ءَ را سروکی ءِ کرد پیلو کنگی اِنت۔ پارلیمنٹ ءَ را یک انچیں رژنائی یے جوڑ کنگی اِنت کہ ٹکّر ٹکّر بوتگیں دگنیا ءِ نظام ءَ گوں یکجاہ بہ کنت۔ مارا یکجاہ جیڑگی اِنت، ارتکاب کنگی اِنت ءُ عمل کنگی اِنت۔ گپ ءُ تران مئے پل بہ بیت ءُ تعاون مئے راہ بہ بیت۔ چیئرمین سینیٹ ءَ گوشت کہ امن ایمنی ءُ دیمروئی یکے دومی ءِ بید ءَ سرجم نہ انت۔ دیمروی بید ءِ امن ءُ ایمنی ممکن نہ انت ءُ امن بید ءِ ترقی ءَ پائیدار بوت نہ کنت۔ آئی ءَ گوشت کہ مرچی ایمنی ءِ بزانت ایوک ءَ سیم سر آنی رکھینگ ءَ گوں بندوک نہ اِنت بلکینگ ءَ چاگردی استحکام، وردن ءُ وراک ءُ آپ ءِ ایمنی، ڈیجیٹل ایمنی ءُ اقتصادی وت واجہی ءِ وڑیں عناصر ھم ھوار اَنت۔ سید یوسف رضا گیلانی ءَ گوشت کہ پاکستان کہ جھان ءِ کاربن ءِ کشگ ءِ تہ ءَ یک درسد ءَ چہ کم بھر ءُ بانگ کنت آئی ءَ را موسمی بدلی ءِ بدتریں آسرات آنی دیمپانی کنگ ءَ انت۔ اے یک تلخیں راستی یے کہ موسمیاتی بدلی نوں دوریں ھترہ نہ اِنت بلکیں یک ھستیں، ناانصافیں حقیقتے جوڑ بوتگ۔ چیئرمین سینیٹ ءَ گوشت کہ صدر آصف علی زرداری ءُ مزن وزیر محمد شہباز شریف ءِ سروکی ءَ پاکستان جھان ءِ تک ءَ امن ایمنی ءُ دیمروئی ءِ واستہ جزمیگ انت۔ آئی ءَ گوشت کہ پاکستان ءِ اے عزم ایوک ءَ بیان آنی تہ ءَ نہ اِنت بلکینگ ءَ ایشی ءِ عملی ثبوت ناشرکاری ءِ ھلاپ ءَ جھان ءِ جنگ ءَ پاکستان ءِ مستریں کرد ءُ اقوام متحدہ ءِ امن مشن آنی تہ ءَ آئی ءِ ھاسیں بھر زوری اِنت۔ آئی ءَ گوشت کہ رودراتکی ءُ رودرآتکی سیم سر آنی سر ءَ گوستگیں وھد ءَ زوراکیں کارروائی آنی باوجود پاکستان ءَ صبر، زمہ واری ءُ گر ءُ دار ءِ درشان کتگ۔ ما تناؤ ءِ کم کنگ ءِ ھاترا ھرچ وڑیں کوشست کتگ ءُ جامع گپ ءُ تران ءِ پیشکش ھم کتگ بلے امن مدام دو راہ ءِ راہ اِنت کہ ایشی ءِ ھاترا درستیں گل آناں باہمی رھبند ءِ سرا عمل کنگ لوٹ ایت۔ سید یوسف رضا گیلانی ءَ گوشت کہ پارلیمانی دہائی آنی تجربگ ءَ آئی ءَ را اے گپ ءِ سر ءَ دل یکیمی کتگ کہ پائیدار دیمروئی ایوکی ءَ چہ بوت نہ کنت۔ توسعہ یک باہمی ءُ یکجاھیں عملے ۔ اے سرپدی اے گلوبل کانفرنس ءِ برجم دارگ ءِ مستریں مول ءُ مراد جوڑ بوت۔ آئی ءَ گوشت کہ شمال ءُ جنوب ءِ نیام ءَ بین براعظمی پارلیمانی کمک یکجائی نفاد ءُ دیمروئی ءِ مول ءُ مراد آناں دیم ءَ برگ ءِ واستہ وھد ءِ ضلورت اِنت۔ چیئرمین سینیٹ ءَ گوشت کہ بیا اِت ما وعدہ آنی تہ ءَ چہ دیم ءَ رو ایں، ھما گیواری ءِ شوھاز ءَ کن ایں کہ آ جرات مند، عملی ءُ اجتماعی زانت ءِ سر ءَ بندوک بہ بنت۔ چیئرمین سینیٹ ءَ گوشت کہ پارلیمنٹ ایوک ءَ دگنیا ءَ امن ءُ دیمروئی ءِ تماشائی نہ انت بلکینگ ءَ بھروسہ ءِ آرکیٹیکٹ، تپاکی ءِ پروموٹ ءُ الس ءِ توار انت۔ آئی ءَ شہید محترمہ بے نظیر بھٹو ءِ گپانی پدا گشتگ ءُ گشتگ کہ رہشونی اصل ءَ یکے ءِ سزا ءِ مھکم، مشکلانی دیم ءَ استقامت ءُ یک نظریہ ءِ دیمروئی ءِ توانائی ءِ نام اِنت۔ امن ءِ ھاترا جھد کنوکیں مردم تعصب، عدم برداشت ءُ جمود ءِ دیم ءَ ھچبر ھلاس نہ بنت۔ آئی ءَ گوشت کہ بیا اِت اے دیوان ءَ را یک یاتگاریں دیوان ءِ رنگ ءَ یک انچیں عزم ءِ رنگ ءَ جوڑ کن ایں کہ ایشی ءَ چہ دگنیا ءَ اُمیت، یکوئی ءُ رھشونی ءِ نوکیں باب پچ بیت۔ چیئرمین سینیٹ ءَ توامیں نمائندہ آں اسلام آباد ءَ وشیں نندگ ءُ کانفرنس ءِ کامیابیں واھشت ءِ درشان کت۔