توانائی ءِ وفاقی وزیر ءَ سینیٹر عرفان صدیقی ءِ بیرانی ءِ سر ءَ دلپدردی ءِ درشان

اسلام آباد۔11نومبر  (اے پی پی): وفاقی وزیر توانائی سردار اویس احمد خان لغاری ءَ سینیٹر عرفان صدیقی ءِ بیرانی ءِ سر ءَ سک باز رنج ءُ گم ءِ درشانی کتگ۔ سئے شمبے ءِ روچ ءَ وتی دلپدردی بیان ءِ تہ ءَ وفاقی وزیر ءَ گوشت کہ عرفان صدیقی ءِ بیرانی سیاسی ءُ لبزانکی پڑ آنی واستہ ناقابل تلافی تاوان اِنت۔ عرفان صدیقی یک باوقار ءُ اخلاقی سیاستدانے بوتگ، عرفان صدیقی ءِ شخصیت علم، لبزانک ءُ سیاست ءِ یک زیبائیں آمیزشے بوتگ، بیران بوتگیں مردم ءَ جمہوریت ءُ راجی یکوئی ءِ استحکام ءِ ھاتر ءَ بے مثالیں خدمت کتگ۔ آئی ءَ گوشت کہ بیران بوتگیں مردم ءِ کھول ءِ گوما دل ءِ جہلانکی ءَ دلپدردی ءِ درشانی کن آں، اللہ تعالیٰ بیران بوتگیں مردمانی کھول ءَ را صبر ءُ اوپار بہ دنت ءُ بیران بوتگیں مردم ءَ را وتی رحمت ءِ تہ ءَ مزنیں مقامے بہ دنت۔