امارات ءِ ڈپٹی اسپیکر فیڈرل نیشنل کونسل ءِ سروکی ءَ ڈل امارات ءِ بین پارلیمانی اسپیکر کانفرنس ءَ بہر زورگ ءِ ھاتر ءَ اسلام آباد بالی پٹ ءَ سر بوتگ

اسلام آباد۔11نومبر  (اے پی پی): امارات ءِ ڈپٹی اسپیکر فیڈرل نیشنل کونسل امارات ءِ سروکی ءَ یک ڈل ءِ بین پارلیمانی اسپیکر کانفرنس ءَ بہر زورگ ءِ واستہ اسلام آباد بالی پٹ ءَ سر بوتگ۔ سئے شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ امارات ءِ ڈل ءِ تہ ءَ فیڈرل کونسل ءِ نیمگ ءَ چہ پارلیمنٹ ءِ باسک ھوار اَنت۔ ایشی ءَ ابید فلپائن ءِ یک ڈل ءِ پیسریگیں صدر ءُ پارلیمنٹ ءِ زالبولیں باسک گلوریا مکاپاگال ارویو ءِ سروکی ءَ اسلام آباد بالی پٹ ءَ سر بوتگ ءُ بین پارلیمانی اسپیکر کانفرنس ءَ بہر زورگ بوتگ۔ پاکستان ءِ سینیٹ ءِ مزن مزنیں کارندہ آں ڈل آناں جوانیں وش اتک کت۔ بین پارلیمانی اسپیکر کانفرنس چیئرمین سینیٹ سید یوسف رضا گیلانی ءِ سروکی ءِ مہارت ءِ درشان اِنت۔ اے دیوان جتا جتائیں ملک آنی پارلیمنٹ آناں نزیک کنگ ءَ کمک کنت۔ اے کانفرنس ءِ چیئرمین سینیٹ سید یوسف رضا گیلانی ءِ دور اندیشی ءِ گواہ انت۔ اے دیوان 11 ءَ بگر داں 12 نومبر ءَ برجم دارگ بیت داں 2025 ءَ اسلام آباد ءَ اے دیوان برجاہ بیت۔