بنجائی وزیر حوالکاری عطاء اللہ تارڑ نا سینیٹر عرفان صدیقی نا کزیت آ است ہسونی نا درشان

اسلام آباد۔ 11 نومبر (اے پی پی) بنجائی وزیر حوالکاری و شینکاری عطاء اللہ تارڑ مسلم لیگ (ن) نا سینئر راہشون، پنی آ سیاستدان، پولکار و دانشور سینیٹر عرفان صدیقی نا کزیت آ ڈکھیائی و است ہسونی نا درشانی ءِ کرساپارینے کہ سینیٹر عرفان صدیقی نا کزیت بے بدل ءُ علمی و فکری نسخان اسے، او جماعت نا روشنا ضمیر و سچاوفادار سنگت ئس، اونا نوشتہی بصیرت و شفیق شخصیت ءِ مدام یات تخنگک۔ سے شنبے نادے آ تینا ہڑزخواہی بیان اٹی بنجائی وزیر حوالکاری پارے کہ ایماندار نا زند علم، اخلاق و خذمت تون عبارت ئس، او ننکن راہشونی، مہرومریبت و سگ انا چیدہ ئس، قوم مدام اونا علم و کڑد انا روشنائی آن فیض ہلسا کیک۔ اوپارے کہ سینیٹر عرفان صدیقی نا کزیت بھلا علمی و اخلاقی نسخان ءِ، او علم و ادب نا روشنا چراغ، وفادار سنگت و درویش مزاج راہشون اس ئس۔ اونا شخصیت بروک آ چین تیکن کسر نا ڈیوا مریک۔ بنجائی وزیرپارے کہ عرفان صدیقی صاحب نا شفیق بشخندہ، فکری گہرائی و بردباری ءِ اسُل است آن دننگ مفک، او سچا محب وطن و ننا جماعت کن بے لوث خلوص تخوک ءُ انسان اس ئس۔ اوپارے کہ سینیٹر عرفان صدیقی صاحب کنا پیرہ، مسکوہی صدر پاکستان نا متکن آ رفیق آتیان ئس۔ اونا کزیت نا خبر است ءِ ڈکھیائی ٹی اختہ کرینے، اونا خاہوت نا ڈکھیائی دراصل ننا خاہوت  نا ڈکھیائی ءِ۔ اوپارے کہ عرفان صدیقی صاحب نا علم سنگتی، شائستگی و متانت ءِ مدام یات تخنگک ۔ اوپارے کہ اینو نن اسہ ہندن ءُ بزرگ ، استاد و رفیق خاہوت اسے آن محروم مسونن ہرا مدام راہشونی و مہرومریبت نا پیکر ئس، اونا ہِننگ آن ہرا خلا ودی مسنے ، او اسُل پُرمننگ کپک۔ اوعرفان صدیقی ءِ سلام عقیدت پیش کرساپارے کہ ایماندار علم، وقار و متانت نا پیکر ئس۔ اودعاکرے کہ اللہ تعالیٰ ایماندار ءِ جنت اٹ بڑزکو ہند و خاہوت ءِ صبر وجمیل عطاکے۔