وزیراعلیٰ بلوچستان میر سرفراز بگٹی نا سینیٹر عرفان صدیقی نا کزیت آ ڈکھیائی و است ہسونی نا درشان

کوئٹہ۔ 11 نومبر (اے پی پی) وزیراعلیٰ بلوچستان میر سرفراز بگٹی مسلم لیگ (ن) نا سینئر راہشون ، سینیٹر و پنی آ دانشور عرفان صدیقی نا کزیت آ ڈکھیائی و است ہسونی نا درشانی ءِ کرینے۔ تینا ہڑزخواہی بیان اٹی وزیراعلیٰ پارے کہ عرفان صدیقی کہنہ مشق قلمکار، شفیق استاد، سنجیدہ سیاستدان و علم و ادب تون بھلو وابستگی اس تخوک ءُ شخصیت اس ئس، اونا علمی بصیرت، فکری گہرائی و قومی باندات آتیا متوازن سلاہ مدام راہشونی فراوان کرے۔ وزیراعلیٰ پارے کہ عرفان صدیقی بطور سینیٹر ، کالم نوشت و پولکار پاکستان نا فکری و سیاسی منظرنامہ غا نقشہ اِلا، او ہندن ءُ شخصیت اس ئس ہرا قومی گپ وتران اٹی سنجیدگی، شائستگی  ودلیل نا چلن درستی راستی کرفے۔ اوپارے کہ عرفان صدیقی نا کزیت پاکستان نا فکری و ادبی حلقہ غاتیکن بے بدل ءُ نسخان اسے، اونا خذمت آتے مدام یات تخنگک۔ میر سرفرازبگٹی ایماندار نا درجہ غاتا بڑزی، بخشش و خاہوت کن صبر و حوصلہ نا دعاکرے۔